Jabuuroolu 47:6 - Mandinka Bible

⁶ Ali suukuwolu laa Alla ye, ka a tentu, ali suukuwolu laa, ka ǹ na Mansa jayi.

Jabuuroolu 47:6 ပူးပေါင်းရင်းမြစ်များ

Matiyu 25:34

Wo koolaa Mansa si naa a fo a bulubaalankoolu ye ko, ‘Ali naa, m Faamaa neemata mennu ma! Ali ye mansabaayaa keetaa, Alla ye meŋ parendi ali ye kabiriŋ duniyaa foloodulaa to.

Jabuuroolu 68:4

Ali suukuwolu laa Alla ye, ali jayiri suukuwolu laa a too la. Ali suukuwo wulindi a ye, ate meŋ ka tara tawaloolu kaŋ ka ì borindi. A too mu Yaawe* le ti, ali seewoo a ñaatiliŋo la.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Jabuuroolu 145:1

Alla, n na Mansa, m be i la waroo suukuu la le, ŋa i tentu i too la fo abadaa.

Matiyu 27:37

Ka a la saayaa daliiloo safee a kunto, ì ye ñiŋ ne safee ko, “Ñiŋ ne mu Yeesu ti, Yahuudoolu la mansakewo.”

1 Taarika 16:9

Ali suukuwo laa a ye ka a jayi, ali a fo, a ye kaawakuwolu mennu ke.

Jabuuroolu 89:18

Yaawe, ite le ye tankandirilaa tomboŋ ǹ ye, ite Banisirayila la Senuŋ Baa le ye mansa dii ǹ na.

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

1 Taarika 15:28

Aduŋ Banisirayilankoolu bee le be Yaawe la Kambeŋ Kunewo samba kaŋ, ì seewootoo be wuuri kaŋ santo, ì be jaawali palaatoolu, kooraalu niŋ kontiŋolu kosi kaŋ, ì be saakotoŋ binoo* fanaa fee kaŋ.