Jabuuroolu 47:2 - Mandinka Bible

² Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

Jabuuroolu 47:2 ပူးပေါင်းရင်းမြစ်များ

Nehemiya 1:5

N kumata ko: “M Maarii Yaawe*, Arijana Maarii, Mansa Baa, Alla meŋ ñaasilaŋo warata, i ka kambeŋo niŋ kanu bambaloo muta moolu ye le, mennu ye i kanu, aduŋ ì ka i la yaamaroolu muta.

Jabuuroolu 145:6

Moolu be a saata la le, i la kaawakuu baalu silaŋo warata ñaameŋ, nte be i la waroo kankulaa la le.

Jabuuroolu 47:7

Alla le mu duniyaa bee Mansoo ti. Ali Jabuura suukuwolu laa a ye kendeke.

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.

Jabuuroolu 68:35

Kooni Alla, i ñaasilaŋo warata i batudulaa kono le. Banisirayila la Alla le ka semboo niŋ fankoo dii a la moolu la. Tentoo be Alla ye.

Jabuuroolu 76:12

Ate le ka maralilaalu la faŋ waroo daŋ, a ka duniyaa mansoolu kijabo.

Jabuuroolu 95:3

Kaatu Yaawe warata le, aduŋ ate le mu Mansa baa ti, meŋ warata alloolu bee ti.

Jabuuroolu 99:3

Batu ì ye a jayi a too la, a too silaŋñaa warata le. Yaawe seneyaata le!

Malaki 1:14

Dankoo be tapalee moo ye meŋ ye kotoŋ kendoo soto a la koorewo kono, a ye a laahidi ka a bo sadaa ti, bari a naata a baayi, a ye beeyaŋ sootaariliŋo bo sadaa ti nte Yaawe ye. Nte Yaawe mu Mansa Baa le ti, aduŋ n too ñaasilaŋo be warariŋ bankoolu kaŋ ne.” Yaawe Alihawaa Maariyo le ye a fo.

Matiyu 28:18

Yeesu naata ì kaŋ, a diyaamuta ì ye ko, “Kaŋo bee diita nte le la, duniyaa niŋ Arijana.

5 Musa 28:58

Ali si ali hakiloo tu ka ñiŋ luwaa kumakaŋolu bee muta, mennu be safeeriŋ ñiŋ kitaaboo kono, fo ali si Yaawe ali la Alla too senuŋo horoma, meŋ kallankeeyaata*.

5 Musa 7:21

Wo kamma la, ali kana sila ñiŋ moolu la. Yaawe ali la Alla be ali fee le, a warata le, aduŋ a silaŋñaa warata.