Jabuuroolu 45:9 - Mandinka Bible

⁹ I la musubuŋo kono, mansa doolu dimmusoolu le be jee. I la mansasiiraŋo bulubaa karoo la, maañoo ka tara wo le to, a ye saniforoolu duŋ.

Jabuuroolu 45:9 ပူးပေါင်းရင်းမြစ်များ

1 Mansoolu 10:11

Hiramu la kuluŋolu ye sanoo samba naŋ ka bo Ofiri, aduŋ ì ye babara foro jamaa samba naŋ ka bo jee, aniŋ bere ñiimaalu.

1 Mansoolu 2:19

Bituŋ Batiseba taata mansa yaa ka diyaamu a ye Adoniya la kuwo la. Mansa wulita ka a baamaa benduŋ, aduŋ a ñoyita a ye ka a horoma. Bituŋ a siita a la mansasiiraŋo kaŋ, aduŋ ì ye mansasiiraŋ doo samba naŋ a baamaa ye, a siita a kaŋ a bulubaa karoo la.

1 Mansoolu 2:9

Bari kana a tu jee i maŋ a yankankati. Ite faŋo ye a loŋ ne i be meŋ ke la, aduŋ i si a kata a ye faa.”

1 Taarika 1:23

Ofiri, Hawila aniŋ Yobabu. Ñinnu bee mu Yokitani koomalankoolu le ti.

Yuuba 22:24

I la sanoo fayi buutoo kono, i la sanoo meŋ bota Ofiri tundoo kaŋ, a fayi bolondiŋo kono, beroolu be daameŋ.

Jabuuroolu 45:13

Mansa maañoo dunta mansabuŋo kono, a niŋ a la ñiiñaa baa, sani daarifaanoolu be dundiŋ a la.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Kuma Kotoomaalu 7:17

Ŋa n na laaraŋo seerandi niŋ miiri* munkoo la, alowe munkoo, aniŋ sinnamoni munkoo.

Suukuwo 7:1

N na mansariŋ musoo, i siŋo ñiiñaata i la samatoo kono ñaameŋ. I wutoo be muruŋ-murundiŋ ne ko bulutotaa, bulukalaŋ dookuulaa betoo ye meŋ dadaa.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Yohana 3:29

Moo meŋ ye maañoo soto, wo le mu maañootiyo ti. Maañootiyo teerimaa ka loo le, a ye a lamoyi, aduŋ a ka jusulaa baake le, niŋ a ye maañootiyo kaŋo moyi. Ñiŋ ne mu nte la seewoo ti, meŋ timmata saayiŋ.

Lankenemoo 19:7

Ali ŋà seewoo, ŋà jusulaa, ali ŋà jayiroo niŋ tenturoo dii a la, kaatu Saajiiriŋo la maañoobitoo siita le, a la maañoo ye a faŋ parendi le.

Lankenemoo 21:2

Wo to le ŋa saatee senuŋo je, meŋ mu Yerusalaamu kutoo ti. A be jii kaŋ ka bo Alla yaa, Arijana kono. A parendita ko maañoo, meŋ ñarandita a keemaa ye.

Lankenemoo 21:24

Ka bo niŋ saatewo la maloo le la, nasiyoŋolu be taama la maloo kono, aduŋ duniyaa mansoolu be ì la fankoo niŋ ñiiñaa naati la a kono le.

Lankenemoo 21:9

Bituŋ malaayika kiliŋ bota naŋ wo malaayika woorowuloo kono, booli woorowuloo be mennu bulu. Wolu le mu mantoora labaŋ woorowuloo ti. A ko n ye ko, “Naa! M be maañoo yitandi la i la le, Saajiiriŋo la musoo.”