Jabuuroolu 45:7 - Mandinka Bible

⁷ I ye tiliŋo kanu le, i ye kuruŋyaa koŋ. Wo le ye a tinna i la Alla ye i toloo seewoo kono ka tambi i ñoŋolu la.

Jabuuroolu 45:7 ပူးပေါင်းရင်းမြစ်များ

1 Mansoolu 19:16

I si Yehu fanaa tomboŋ Nimisi dinkewo, ka tuloo boŋ a kuŋo kaŋ ka a ke mansa ti Banisirayila kunna. Aduŋ i si Elisa fanaa tomboŋ, Safati dinkewo, meŋ bota Abeli-Mehola, ka tuloo boŋ a kuŋo kaŋ ka a ke i noo to annabiyomoo ti.

Jabuuroolu 101:8

Luŋ-wo-luŋ m be kali kuu jawu kelaalu buruka la bankoo kaŋ ne. M be moo jawoolu bee bayi la le ka bo Yaawe la saatewo kono.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

Jabuuroolu 21:6

I neemata a ma le famfaŋ, fo abadaa. A ka jusulaa ñiŋ na le ko, i be a fee le.

Jabuuroolu 33:5

A ye tiliŋo niŋ kiitindiri senuŋo le kanu. A la kanu bambaloo ye duniyaa bee le beŋ.

Jabuuroolu 89:20

Ŋa n na dookuulaa Dawuda le ke mansa ti, ka a toloo niŋ n na tulu senuŋo* la.

Jabuuroolu 89:26

A be a fo la n ye le ko: ‘Ite le mu m Faamaa ti, n na Alla aniŋ n na semberaŋ beroo, meŋ ka n kiisa.’

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

3 Musa 8:12

A ye Haaruna toloo ka tulu senuŋo boŋ a kuŋo kaŋ, a ye a moosi a la ka a kerekere piriisiyaa dookuwo ye.

Matiyu 3:15

Bari Yeesu ye a jaabi ko, “A ke n ye saayiŋ. A beteyaata ntolu to le ka Alla la lafoo bee ke a ñaama.” Wo to le a naata soŋ.

Matiyu 7:23

Bari m be a koyindi la ì la le ko, ‘Nte nene maŋ ali loŋ. Ali bo m bala, alitolu kuu jawu kelaalu.’

Luka 13:27

Bari a be a fo la ali ye le ko, ‘Nte maŋ ali loŋ, sako ali bota daameŋ! Ali bo m bala, alitolu kuu kuruŋ kelaalu bee.’

Luka 3:22

aduŋ Noora Kuliŋo jiita naŋ a kaŋ, meŋ muluŋo be ko puraa. Bituŋ kumakaŋo naata bo saŋo santo ko, “Ite le mu n Kanu Dinkewo ti, n jusoo laata meŋ na kuwo la baake.”

Yohana 1:16

Ka bo niŋ a la hiinoo la timmoo la, m̀ bee ye hiinoo soto hiinoo kaŋ ne.

Yohana 20:17

Bituŋ Yeesu ko a ye ko, “Kana m maa, kaatu m maŋ muru foloo ka taa m Faamaa yaa. Bari taa m baadinkewolu yaa, i ye a fo ì ye ko, m be muru la le ka taa m Faamaa niŋ ali Faamaa yaa, n na Alla aniŋ ali la Alla.”

Yohana 3:34

Alla ye moo meŋ kii, wo ka Alla la kumoolu le fo, kaatu Alla ka a la Nooroo dii le, diiroo meŋ maŋ dandulaa soto.

Kiilaalu 2:28

I ka baluwo siloolu le yitandi n na, i be m fandi la niŋ seewoo la i ñaa la.’

Roomankoolu 8:29

Kaatu a ye mennu la kuwo loŋ nuŋ, a ye wolu le tomboŋ fanaa fo ì muluŋo si ke ko a Dinkewo. Wo to le a Dinkewo si naa ke dinkee foloo ti baadiŋ jamaa kono.

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Hiburunkoolu 1:9

I ye tiliŋo kanu le, i ye kuruŋyaa koŋ. Wo le ye a tinna i la Alla ye i toloo niŋ seewoo la ka tambi i mooñoolu la.”

Hiburunkoolu 2:14

Baawo ñiŋ diŋolu ye balajaatoo niŋ yeloo soto le, Yeesu faŋo naata ke hadamadiŋo ti ko itolu. Wo keta le, fo ka bo niŋ a la saayaa la, a si Ibiliisa kasaara noo, saayaa semboo be meŋ bulu.

Hiburunkoolu 7:26

Yeesu le mu wo ñoŋ piriisi kuntii baa ti, ǹ suulata meŋ na. A seneyaata le, a nene maŋ junuboo ke, a maŋ sootaari soto. A landita kara la ka bo junubelaalu kono, aduŋ a wulindita horomoo kono le santo, saŋ fatoolu kunto.

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

1 Samuweli 16:13

Bituŋ Samuweli ye binoo sika, a ye tuloo boŋ a kuŋo to a kotoolu ñaa la. Ka bo wo luŋo la, Yaawe la Nooroo jiita Dawuda kaŋ niŋ semboo la. Bituŋ Samuweli taata Rama.