Jabuuroolu 45:3 - Mandinka Bible

³ Mansa kandaa, i la hawusaroo* siti i tewo la. I horomata le, aduŋ i kandaayaata.

Jabuuroolu 45:3 ပူးပေါင်းရင်းမြစ်များ

Hiburunkoolu 4:12

Alla la kumoo be baluuriŋ ne, a nene buka lamfu. A diyaata le ka tambi hawusari* daa fuloo bee la. A ka duŋ konoto le ka sondomoo niŋ nooroo talaa, a ka cokoo niŋ yuwo bondi ñoo bala le, aduŋ a ka miiroolu niŋ feeroolu kiitindi le, mennu be maaboriŋ sondomoo kono.

Lankenemoo 1:16

A ye looloo woorowula le muta a bulubaa buloo kono. Hawusari* daa fuloo fintita naŋ a daa kono, aduŋ a ñaadaa be malamala kaŋ ne ko tilikuntee baa.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

Yesaya 49:2

A ye n daa ke le ko hawusari* daa diyaariŋo. A ka a buloo le biti n kaŋ ka n tanka. A ye n ke le ko beñe melundiŋo, a ye m maabo a bularaŋo kono.

Jabuuroolu 96:6

Horomoo niŋ mansayaa waroo ye a murubeŋ ne, semboo niŋ ñiiñaa le be faariŋ a la batudulaa senuŋo kono.

Jabuuroolu 21:5

A ye horoma baa soto le ka bo niŋ i la maakoyiroo la ka a jawoolu noo. I ye horomoo niŋ mansayaa semboo dii a la le.

Lankenemoo 19:21

Toomaalu mennu tuta jee, wolu faata niŋ hawusaroo le la, meŋ fintita naŋ wo daa kono, meŋ be siiriŋ suwoo kaŋ. Aduŋ kunoolu bee ye ì konoolu fandi niŋ ì furewolu suboo la.

Yuuda 1:25

Jayiroo be ate le ye, meŋ dammaa mu Alla ti, aniŋ ǹ na Kiisandirilaa. Jayiroo be ate le ye, ka bo niŋ Yeesu Kiristu la, m̀ Maarii. Semboo niŋ waroo, mansayaa, maraloo niŋ kantiiyaa bee be ate le ye, janniŋ duniyaa daa waatoo la, ka naa bula saayiŋ na, fo abadaa. Amiin.

Hiburunkoolu 8:1

M̀ be kuu kummaa meŋ fo kaŋ, a fele: Ŋà piriisi* kuntii baa le soto, meŋ be siiriŋ Alla Mansa Tallaa la mansasiiraŋo bulubaa karoo la Arijana kono.

Hiburunkoolu 1:3

Alla la kallankeeyaa* ka je a Dinkewo le kono, a ye Alla mankutoo soto le, aduŋ a ka alihawaa taamandi ka bo niŋ a la kuma sembemaa le la. A la hadamadiŋolu seneyandiri koolaa ì la junuboolu to, a ye a la siidulaa taa Alla Mansa Tallaa bulubaa karoo la, Arijana kono.

Roomankoolu 14:9

Kaatu Kiristu* faata ñiŋ daliiloo le kaŋ, aduŋ a wulita ka baluu kotenke, fo a si ke kendoolu niŋ furewolu bee Maariyo ti.

Jabuuroolu 145:12

ka hadamadiŋolu londi i la kaawakuu baalu la, aniŋ i la mansayaa horomoo la waroo.

Jabuuroolu 145:5

Ì be i la horomoo fo la le, aniŋ i la mansayaa semboo, nte be m miira la i la kaawakuwolu la le.

Jabuuroolu 104:1

Nte niyo be Yaawe* jayi la le. Hee Yaawe n na Alla, ite warata baake le. I ye horomoo niŋ waroo duŋ ne ko dendikoo.

Kiilaalu 10:36

Ali ye kibaari betoo loŋ ne, Alla ye meŋ kii Banisirayilankoolu ye. Wo kayira kibaaroo kawandita ka bo niŋ Yeesu Kiristu* le la. Ate le mu moolu bee Maariyo ti.

Kiitindirilaalu 3:16

Ehudi ye hawusari* daa fuloo le dadaa, meŋ na jamfoo si taa fo nonkonkatiñaa kiliŋ ñoŋ na. A ye a sooti a bulubaa karoo la, a la dendika baa koto.

Yuuba 1:16

Wo maŋ paree diyaamoo la, doo fanaa naata a ko, “Alla la dimbaa le jiita naŋ ka bo saŋo santo, a ye saajiyolu jani aniŋ kantarilaalu, ì faata. Nte doroŋ ne kanata ka naa a fo i ye.”

Jabuuroolu 21:7

Bayiri mansa dankeneyaata Yaawe la le, wo to ka bo niŋ ate Alla Mansa Tallaa la kanu bambaloo la, a te wutu la a noo to.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Suukuwo 5:13

A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.