Jabuuroolu 45:12 - Mandinka Bible

¹² Tire saatee moolu be i ñaañini la niŋ soorifeŋolu le la, naafulutii baalu be i ñaañini la le.

Jabuuroolu 45:12 ပူးပေါင်းရင်းမြစ်များ

Jabuuroolu 22:29

Duniyaa fankamaalu bee be juuraloo ke la le, ka baturoo ke. Moo-wo-moo be labaŋ na bankoo kono be sujudi la a ye le, wolu mennu te ì faŋ tundi noo la baluwo to.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Yesaya 60:3

Bankoolu be naa le ka i la maloo je, mansoolu be naa le ka a je, i la fanikewo be faramansariŋ ñaameŋ.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Matiyu 2:11

Ì dunta buŋo kono, ì ye deenaanoo niŋ a baamaa Mariyaama je. Bituŋ ì sujudita ka a batu. Wo to le ì naata ì la kufoolu yele ka soorifeŋolu dii a la, mennu mu sanoo ti, cuuraayi munkoo aniŋ miiri* munkoo.

Jabuuroolu 68:29

ka bo i Batudulaa to Yerusalaamu, mansoolu ye soorifeŋolu dii i la daameŋ.

Suukuwo 2:14

I be n ye le ko puraa, meŋ be maaboriŋ bere konkoo to, a be bitiriŋ berehuwo kono. Soŋ ŋa i ñaadaa je, ŋa i kaŋo moyi, kaatu i kaŋo diyaata le, i alihaaloo ñiiñaata.

Suukuwo 7:11

N jusukuŋo naa, ŋà finti, ŋà taa kene koomoo to, ŋà suutoo laa fudani firoolu kono.