Jabuuroolu 44:4 - Mandinka Bible

⁴ N na Alla, ite le mu n na Mansoo ti, ite le ka nooroo saabu Yaakuba koomalankoolu ma.

Jabuuroolu 44:4 ပူးပေါင်းရင်းမြစ်များ

Jabuuroolu 74:12

Hani wo, ite Alla le mu ǹ na Mansoo ti, kabiriŋ waati jaŋ koomanto. I ka kiisoo naati ǹ ye duniyaa kono le.

Jabuuroolu 42:8

Tiloo waatoo la Yaawe* be a la kanu bambaloo yitandi la n na le, aduŋ suutoo la a be suukuwo duŋ na n daa le, ka a ke duwaaraŋo ti Alla ye, n na baluwo Maariyo.

Maaka 9:25

Kabiriŋ Yeesu ye kafoo tariyaatoo je naa la a kaŋ naŋ, a ye seetaani jawoo jalayi. A ko a ye ko, “Ite, seetaani jawoo meŋ ye ñiŋ dindiŋo ke mumunewo ti, i ye a tuloo suki, ŋa i yaamari: Finti a kono, aduŋ i kana muru a kono kotenke!”

Jabuuroolu 89:18

Yaawe, ite le ye tankandirilaa tomboŋ ǹ ye, ite Banisirayila la Senuŋ Baa le ye mansa dii ǹ na.

Maaka 1:41

Yeesu balafaata a ye baake. Wo to le a ye a buloo tiliŋ, a ye a maa. A ko a ye ko, “N lafita le. Kendeyaa!”

Maaka 1:31

Yeesu naata, a ye a buloo muta, a ye a wulindi. Bituŋ balakandoo ye a bula, a naata ì jiyandi.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

5 Musa 7:8

A ye ali tomboŋ, kaatu a ye ali kanu le, aduŋ a lafita ka a la laahidoo timmandi, a ye i kali ali mumuñolu ye meŋ na nuŋ. Wo daliiloo le ye a tinna a ye ali kumakaa ka ali bondi naŋ joŋyaa kono Firawoona bulu, Misira mansa, niŋ a bulu sembemaa baa la.

5 Musa 7:19

Ali kana ñina mantoora kuwolu la, Yaawe ali la Alla ye mennu laa ì kaŋ. Ali hakiloo kana bo kaawakuwolu niŋ taamanseeroolu la, ali ñaa seedeyaata mennu la, Yaawe ye mennu ke a bulu sembemaa baa la, ka ali bondi naŋ Misira. A ye meŋ ke Misirankoolu la, a be wo ñoŋo le ke la ñiŋ moolu fanaa la, ali be silariŋ mennu la.

Yosuwa 24:12

Ŋa sondome silaŋo dundi ì kono ka sila ali la. Wo le ye ì borindi ali la, komeŋ Amorinkoolu la wo mansakee fuloo. Bari a maŋ ke ali la hawusaroolu* niŋ kalabeñoolu ti.

Jabuuroolu 111:6

A ye a semboo yitandi a la moolu la le, ka bo niŋ wandi bankoolu la, a ye mennu dii ì la.