Jabuuroolu 43:2 - Mandinka Bible

² Ite Alla le mu n tuukuraŋo ti, muŋ ne ye a tinna i ye m bula? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?

Jabuuroolu 43:2 ပူးပေါင်းရင်းမြစ်များ

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Jabuuroolu 140:7

Yaawe, m Maariyo, n na kiisandirilaa sembemaa, ite le ye n tankandi kele luŋo kono.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 31:4

N kanandi jaloo ma, meŋ laata n kamma, kaatu ite le mu n jikiraŋo ti.

Jabuuroolu 42:10

Ì la nendiroolu ka duŋ n na le fo n kuloo kono, bayiri luŋ-wo-luŋ ì ka n ñininkaa le ko, “I la Alla lee?”

Jabuuroolu 42:9

Ate Alla meŋ mu n na semberaŋ beroo ti, n ka a fo a ye le ko, “Muŋ ne ye a tinna i ñinata n na? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?”

Jabuuroolu 44:9

Bari saayiŋ i ye i koo dii ǹ na le, i ye m̀ malundi. I maŋ tambi ǹ na kelediŋ kafoolu ñaato keloo la kotenke.

Jabuuroolu 71:9

Kana m bayi i bala n kotooriŋo la. Kana m bula n semboo bandiŋo la.

Jabuuroolu 77:7

Fo Maariyo be tu la i kuntu la ǹ na le baŋ? Fo a te hiina la ǹ ye kotenke baŋ?

Jabuuroolu 88:15

Biriŋ n dindiŋ n toorata le, aduŋ n sutiyaata saayaa la le. I ye kijafara kuwolu le laa n kaŋ fo n keñaa bota n kono,

Jabuuroolu 94:14

Yaawe te a koo dii la a la moolu la. A te i bo la a fansuŋ moolu to.

2 Musa 15:2

N semboo ka bo Yaawe le bulu, n ka suukuwo laa ate le ye, a keta n tankandirilaa le ti. Ate le mu n na Alla ti, m be a jayi la le, m faamaa la Alla, m be a sikandi la le.

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Yesaya 45:24

Ì be a fo la m ma le ko, ‘Tiliŋo niŋ semboo be Yaawe dammaa le fee.’ Moolu mennu kamfaata n kamma, ì niŋ maloo le be naa n kaŋ.

Jakariya 10:12

M be ì bambandi la nte Yaawe la kuwo to le, ì ye taama n too la.” Yaawe le ye a fo.

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

Filipinkoolu 4:13

N ka kuwolu bee ke noo ka bo niŋ ate le la, meŋ ka n sembentuŋyaa.