Jabuuroolu 42:8 - Mandinka Bible

⁸ Tiloo waatoo la Yaawe* be a la kanu bambaloo yitandi la n na le, aduŋ suutoo la a be suukuwo duŋ na n daa le, ka a ke duwaaraŋo ti Alla ye, n na baluwo Maariyo.

Jabuuroolu 42:8 ပူးပေါင်းရင်းမြစ်များ

Jabuuroolu 149:5

Alla la lannamoolu ye seewoo a la horomoo la, ì si suukuwo laa ì laadulaalu to, seewoo kamma la.

Jabuuroolu 63:6

Niŋ ŋa n laa n na laaraŋo kaŋ, n hakiloo ka tara i kaŋ ne, n ka m miira i la le suutoo bee.

Jabuuroolu 16:7

Ŋa Yaawe tentu, kaatu a ka n yaamari le, aduŋ suutoo fanaa n sondomoo ka n dandalaa le.

Yuuba 35:10

Bari a hakiloo buka muru Alla kaŋ, ka a fo ko, “N Daamansoo lee, meŋ ka jikoo dii bataa waatoo kono,

5 Musa 28:8

Yaawe ali la Alla si neema ali la buntuŋolu ma, aniŋ ali la kata kuwolu bee. A be neema la ali ma bankoo kaŋ ne, a be daameŋ dii la ali la.

Jabuuroolu 133:3

Ka ke kiliŋ ti ka munta le ko, komboo meŋ ka boyi Herimoni* Konkoo kaŋ, a be jii la Siyoni* Konkoo kaŋ, Yaawe* ka a la neemoo dii daameŋ to, meŋ mu badaa-badaa baluwo ti.

Kolosankoolu 3:3

kaatu ali faata le, aduŋ ali la baluwo niŋ Kiristu be maaboriŋ Alla fee le.

Kiilaalu 16:25

Wo suutoo duutalaa la, Pawulu niŋ Silas be duwaa kaŋ, ì ye jayiri suukuwolu laa Alla ye, aduŋ bunjawutonkoolu be ì lamoyi kaŋ.

Matiyu 8:8

Bari kelediŋ kuntiyo ye a jaabi ko, “M Maariyo, nte maŋ jari ite ye naa nte la buŋo kono. Kumoo fo doroŋ, aduŋ n na dookuulaa be kendeyaa la le.

Jabuuroolu 44:4

N na Alla, ite le mu n na Mansoo ti, ite le ka nooroo saabu Yaakuba koomalankoolu ma.

Yesaya 30:29

Banisirayilankoolu, ali be denkiloo laa la le suutoo, ko niŋ ali be luŋ buuñaariŋo le juura kaŋ. Ali jusoolu si tara laariŋ, ko niŋ moolu niŋ footaŋ kumakaŋolu ka taa Yaawe la Konkoo kaŋ, Yaawe, Banisirayila la Semberaŋ Beroo.

Jabuuroolu 77:6

tuma meŋ n ka suutoo bee ke seewoo niŋ suukuulaa ti. N ka n hakiloo duŋ ne, ka m miira wo niŋ saayiŋ fatata ñaameŋ.

Jabuuroolu 57:3

A be n jaabi la le ka tankoo jindi n ye naŋ. A be moolu malundi la le mennu ka mantooroo laa n kaŋ. S Alla be a la kanu bambaloo niŋ tiliŋo yitandi la n na le.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

3 Musa 25:21

Nte Yaawe be neemoo jindi la ali ye le sanji wooronjaŋo kono, fo bankoo si siimaŋ jamaa bondi, meŋ be taa fo a jaaroo la, aniŋ a jaarikoo la.

2 Samuweli 22:5

Saayaa jiibalimmaa ye m murubeŋ, kasaaroo jiibalimmaa ye n samba.

Jabuuroolu 88:8

I ye a tinna le n teerimaalu ye i bo n to, i ye n ke ì ye moo ñewundiŋo ti. M be sukiriŋ ne, aduŋ kanañaa te n na.

Jabuuroolu 124:4

Ì be ke la le komeŋ waamoo, ì ye ǹ kunuŋ. Ì be woyi la ǹ kaŋ ne komeŋ baa.

Yunusa 2:4

Ŋa a miira le nuŋ ko, n yeemanta i la karoo la le. Bari hani wo, m be i la buŋ senuŋo je la le kotenke.