Jabuuroolu 42:4 - Mandinka Bible

⁴ Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 42:4 ပူးပေါင်းရင်းမြစ်များ

2 Mansoolu 18:30

Ali kana soŋ Hesekiya ye ali dundi ñiŋ to ka jiki Yaawe la, ka a fo ali ye, a koyita a ma le ko, Yaawe be ali tankandi la le, aduŋ a te ñiŋ saatewo duŋ na Asiriya mansa bulu.

2 Mansoolu 18:32

Wo koolaa a be naa le a ye ali samba banku doo kaŋ, meŋ niŋ ali la bankoo mulunta. Wo bankoo kaŋ siimaŋ kesoo siyaata jee le, aniŋ mbuuroo. Wayini yiri kankaŋolu be jee le, aniŋ wayinoo. Olifu* yiroolu be jee le, aniŋ olifu tuloo, aniŋ liyo. I si a je ali te faa la, bari ali si baluu. Wo to ali kana i lamoyi Hesekiya la niŋ a ka a fo ko, Yaawe be ali tankandi la le.

2 Taarika 7:10

Kari woorowulanjaŋo, tili muwaŋ niŋ sabanjaŋo la le, a ye moolu bula ka seyi. Ì seyita suwo kono ì seewooriŋ baa. Ì jusulaata kuu kendoolu bee la, Yaawe ye mennu ke Dawuda ye, aniŋ Sulemani niŋ a la moolu Banisirayilankoolu.

Yuuba 29:2

M be lafi la n na kuwo ye tara, ko a be nuŋ ñaameŋ, waatoo meŋ na, Alla tarata n na kuwo hatiriŋ,

Jabuuroolu 100:4

Ali niŋ jayiroo ye duŋ niŋ a Batudulaa Buŋo* daa la, ali niŋ tenturoo ye duŋ a la luwo to, ali ye a jayi, ali ye a tentu niŋ a too la.

Jabuuroolu 115:2

Muŋ ne ye a tinna sii koteŋolu ka ǹ ñininkaa ko, “Ali la Alla duŋ, a lee?”

Jabuuroolu 122:1

N seewoota le kabiriŋ ì ko n ye ko, “Ali ŋà taa Yaawe* la buŋo to.”

Jabuuroolu 122:8

M baadiŋolu niŋ n kafuñoolu la kuwo kamma la, m be a fo la Yerusalaamu ye ko, “Kayiroo ye tara i kono.”

Jabuuroolu 55:14

Ntolu le ka kacaa diimaa ke nuŋ ñoo kaŋ, ǹ niŋ jamaa moolu ka taa ñoo la Alla Batudulaa Buŋo* to.

Jabuuroolu 62:8

Moolu, ali dankeneyaa Alla la waati-wo-waati. Ali ali kono kuwo bee fo a ye, kaatu ate le mu ǹ tuukuraŋo ti. S

Jabuuroolu 79:10

Muŋ ne be a tinna bantala banku* moolu be a fo la ko, “Ì la Alla lee?” I la dookuulaalu yeloo boŋo juloo joo bantala banku moolu to, ǹ ñaa ye a je.

Jabuuroolu 80:6

I ye ǹ ke ǹ dandanna banku moolu ye fuufuutaa le ti, ǹ jawoolu ka jele ǹ na.

Yesaya 30:29

Banisirayilankoolu, ali be denkiloo laa la le suutoo, ko niŋ ali be luŋ buuñaariŋo le juura kaŋ. Ali jusoolu si tara laariŋ, ko niŋ moolu niŋ footaŋ kumakaŋolu ka taa Yaawe la Konkoo kaŋ, Yaawe, Banisirayila la Semberaŋ Beroo.

Niikuyaa Suukuwolu 2:19

Suutoo la, suutoo tuma-wo-tuma la, wuli, i ye kumboo santo! I sondomoo kono kuwolu yelema ko jiyo Maariyo ñaatiliŋo la. I buloolu wulindi a ye ka duwaa, i diŋolu niyo ye, mennu ka ketu konkoo la, mbeedi kuŋolu kaŋ taariŋ.

Niikuyaa Suukuwolu 4:1

Alikoo, ñiŋ sanoo le keta nee fiŋo ti teŋ, saniforoo le yelemata teŋ! Bere jankuriŋolu be janjandiŋ duuma mbeedi kuŋolu to taariŋ.

Esekiyeli 46:10

Mansa niŋ jamaa moolu be duŋ na ñoo la le, ì ye finti ñoo la fanaa.

Yoweli 2:17

Piriisoolu*, Yaawe la dookuulaalu, ali kumboo batudulaa pereŋo niŋ sadaajanidulaa* teema. Ali si a fo, “Yaawe, dukaree, hiina i la moolu la. Itolu le mu i taa ti, kana ì ke jutunna feŋo ti, ka ì ke banku koteŋolu ye jelefeŋo ti. Muŋ ne be a tinna la ì be a fo la ko, ‘Ì la Alla lee?’ ”

Nahumu 1:15

Yahuuda moolu, ali a juubee! Kiilaa fele ali ye, a niŋ kibaari betoo ka bo konkoolu kaŋ, ka kayiroo bankee ali ye. Ali ali la diina juuraloolu juura, ali ye ali la laahidoolu timmandi. Jawu te ali la bankoo kele la kotenke. Ì bee le be kasaara la.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

5 Musa 16:11

Ali si seewoo Yaawe ali la Alla ñaatiliŋo la, ali niŋ ali dinkewolu niŋ ali dimmusoolu, ali la jonkewolu niŋ ali la jommusoolu, Lewi lasiloo moolu mennu be sabatiriŋ ali la saatewolu kono, tumarankewolu, aniŋ aliyatiimoolu niŋ furuyaamusoolu mennu be ali fee. Ali si juuraloo ñiŋ ke dulaa to, Yaawe ali la Alla be daameŋ tomboŋ na ka a too ke jee.

Ruti 1:21

M bulu faariŋo le bota jaŋ, bari Yaawe ye m bulu kenseŋo le murundi naŋ. Ali ka nte kumandi Nawomi la muŋ ne la? Yaawe Alla Tallaa ye bataa kuwo le laa n kaŋ, a ye niikuyaa kuwo le laa nte kaŋ.”