Jabuuroolu 42:2 - Mandinka Bible

² Ite Alla baluuriŋo, i la kuwo mindoomaa le ye m muta. Muŋ tuma le m be naa noo la ka loo i ñaatiliŋo la?

Jabuuroolu 42:2 ပူးပေါင်းရင်းမြစ်များ

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Jabuuroolu 84:10

Ka tili kiliŋ ke i batudulaa luwolu to, wo le fisiyaata ka tili wuli kiliŋ ke dulaa koteŋ. Ŋa ke n na Alla la bundaa kantalaa ti, wo le fisiyaata ka tara sabatiriŋ moo kuruŋolu la suwolu kono.

Jabuuroolu 27:4

Kuu kiliŋ ŋa Yaawe daani wo le la, aduŋ m be wo le ñiniŋ kaŋ, ka tara sabatiriŋ a batudulaa buŋo kono m baluu tiloolu bee la, ka a la kallankeeyaa* fele, aniŋ ka bankeeroo ñiniŋ a batudulaa.

Lankenemoo 22:1

Bituŋ malaayikoo ye boloŋo yitandi n na, meŋ jiyo ka baluwo dii. A be faramansariŋ ne ko weeri foroo. A naata ka bo Alla niŋ Saajiiriŋo la mansasiiraŋo koto.

Yohana 7:37

Juuraloo luŋ labaŋo la, meŋ mu a luŋ baa ti, Yeesu wulita, a sarita santo ko, “Mindoo be meŋ na, a si naa nte kaŋ ka i miŋ.

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Jabuuroolu 84:4

Barakoo be i la buŋo kono sabatilaalu ye, mennu ka tu suukuulaa la, ka i jayi. S

Jabuuroolu 43:4

Bituŋ n si taa i la sadaajanidulaa* to. N na seewoo aniŋ jusulaa ka bo ite le bulu. Hee Alla, n na Alla, n si kontiŋo kosi, ŋa suukuwo laa ka i jayi.

Yuuba 23:3

Kooni, niŋ ŋa a loŋ a be daameŋ, niŋ n si taa noo a dinkiraa le to!

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

Yohana 5:26

Ko m Faamaa ye baluwo soto a faŋo kono ñaameŋ, wo ñaa kiliŋo le ñaama, a mu Dinkewo taa le ti fanaa ka baluwo soto a faŋo kono.

Jabuuroolu 84:7

Ì ka taa ñaameŋ, ì ka bambaŋ wo le ñaama, fo kiliŋ-wo-kiliŋ ye loo Alla ñaatiliŋo la Siyoni.

2 Musa 23:17

Saŋ-wo-saŋ, ñiŋ juurali saboo waatoo la, ali la kewolu ñanta naa la le ka nte, ali Maarii Yaawe batu.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yosuwa 3:10

Ali be a loŋ na ñiŋ ne la ko, Alla baluuriŋo be ali fee le. A be ñiŋ moolu mennu mu Kanaaninkoolu ti, Hitinkoolu, Hiwinkoolu, Perisi koomalankoolu, Kirikasinkoolu, Amorinkoolu, aniŋ Yebusinkoolu bee bayi la ali ñaato le.

Jabuuroolu 63:3

I la kanu bambaloo le fisiyaata baluwo ti. Nte be i jayi la le.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.