Jabuuroolu 41:9 - Mandinka Bible

⁹ Hani n teeri kendoo, n laata meŋ na, n niŋ a ka deŋ n na domoroo la, a yelemata n jawoo ti le.

Jabuuroolu 41:9 ပူးပေါင်းရင်းမြစ်များ

2 Samuweli 15:12

Kabiriŋ Abusalomu be sadaalu* bo kaŋ, a ye kiilaa kii Ahitofeli Kilohankoo ye, meŋ mu Dawuda la yaamarilaa ti, ka bo a la saatewo to. Ì la kambeŋo ye semboo soto, bituŋ Abusalomu la moolu ka lafaa-lafaa laalaa.

Yuuba 19:13

A ye m baadiŋolu bee jamfandi n na, n lombaalu bee keta n ye luntaŋolu ti.

Yuuba 19:19

N teeroolu bee jututa n na, n kanuntewolu yelemata n kaŋ jawuyaa siloo la.

Jabuuroolu 101:3

N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Obadiya 1:7

Ali niŋ moolu mennu be diyaariŋ, wolu le be ali neenee la, ì ye ali kelendi. Ali deŋñoolu le be ali bayi la ali la bankoo kaŋ. Ali laata ì la ñaa-wo-ñaa, ì be kutindiŋo le laa la ali ye, ali te meŋ loŋ na.

Mika 7:5

Ali kana laa siiñoo la, ali kana jiki kafuñoo la, hani ali faŋo futuumusoo, ali a loŋ ali be meŋ fo la a ye.

Matiyu 26:23

Bituŋ a ye ì jaabi ko, “Meŋ niŋ nte ye m buloo bula booli kiliŋo kono, wo maarii le be n jamfaa la.

Yohana 13:18

“Nte maŋ tara diyaamu kaŋ alitolu bee la kuwo la. Ŋa mennu tomboŋ, ŋa wolu loŋ ne. Bari ñiŋ keta le, fo Kitaabu Senuŋo si timma, meŋ ko: ‘Ate meŋ niŋ nte denta n na domoroo la, a naata yelema n jawoo le ti.’

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.