Jabuuroolu 41:6 - Mandinka Bible

⁶ Niŋ meŋ naata n juubee, a ka kuma kenseŋolu le fo, wo ye a tara jawuyaa le be faariŋ a sondomoo kono. Niŋ a fintita banta, a ka taa danteeroo le la taariŋ.

Jabuuroolu 41:6 ပူးပေါင်းရင်းမြစ်များ

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Daniyeli 11:27

Kuu jawu kewo le be tara la mansakee fuloo ñinnu sondomoo kono. Ì be domoroo ke la ñoo kaŋ dulaa kiliŋ ne, aduŋ ì be faniyaa fo la ñoo ye le. Bari ì lafita meŋ na a te ke la, kaatu a waatoo maŋ sii.

2 Korintinkoolu 11:26

N na taamasila jamaa kaŋ, n tambita niŋ baa boloŋolu maasiiboo la le, aniŋ boyinkannaalu la maasiiboo. N tambita Yahuudoolu la maasiiboo la le, aniŋ moo koteŋolu. N tarata maasiiboo le kono saatewolu kono taariŋ, wuloo kono aniŋ baa kono. N tambita moolu fanaa la maasiiboo la le, mennu ye ì faŋ ke Yeesu noomalankoolu ti.