Jabuuroolu 41:13 - Mandinka Bible

¹³ Tentoo be Yaawe ye, Banisirayila la Alla, ka bo saayiŋ ka taa fo abadaa. Amiin! Amiin!

Jabuuroolu 41:13 ပူးပေါင်းရင်းမြစ်များ

1 Mansoolu 1:36

Yehoyada dinkewo Benaya ye mansa jaabi, a ko a ye ko, “A si ke wo ñaama! Allamaa Yaawe, m maarii mansa la Alla, ye a taamandi wo ñaama.

1 Taarika 16:36

Tenturoo be Yaawe ye, Banisirayila la Alla, ka bo saayiŋ na ka taa fo abadaa. Bituŋ moolu bee ko, “Amiin,” aduŋ ì ye Yaawe jayi.

1 Taarika 29:10

Wo kamma la Dawuda ye Yaawe jayi jamaa bee ñaatiliŋo la, a ko: “Yaawe, m̀ mumu Isirayila la Alla, jayiroo be i ye fo abadaa.

Jabuuroolu 106:48

Tenturoo be Yaawe ye, Banisirayilankoolu la Alla, ka bo saayiŋ na ka taa fo abadaa. Moolu bee ye a fo ko, “Amiin.” Ali Yaawe jayi.

Jabuuroolu 147:6

Yaawe le ka moo sembentaŋolu sikandi, bari a ka moo kuruŋolu jindi duuma le.

Jabuuroolu 150:6

Niilamaa feŋolu bee, ali Yaawe jayi. Ali Yaawe jayi.

Jabuuroolu 89:52

Tenturoo be Yaawe ye fo abadaa. Amiin! Amiin!

Yeremiya 28:6

N ko a ye ko, “Amiin! Allamaa Yaawe ye wo ke faŋ! Allamaa Yaawe ye kiilaariyaa kumoolu bee ke tooñaa ti, i ye mennu fo, ka a Batudulaa Buŋo jooraŋolu murundi naŋ jaŋ ka bo Babiloni, aniŋ ì ye moolu mennu bee samba mutoo kono jee.

4 Musa 5:22

Allamaa ñiŋ jiyo meŋ ka dankoo samba naŋ, ye duŋ i kono, a ye i konoo yitindi, i wuluuñaŋo ye soroŋ.” Bituŋ musoo ñiŋ si a fo ko, “Amiin, a ye ke.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

1 Korintinkoolu 14:16

Niŋ ite be Alla tentu kaŋ ka a jayi niŋ i la nooroo la, moo meŋ maŋ i fahaamu noo, wo be a fo noo la ñaadii le, “Amiin”?

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Lankenemoo 11:17

Ì be a fo la ko: “M̀ Maarii Alla Mansa Tallaa, ŋà tenturoo dii i la, ite meŋ be keriŋ, aniŋ ite meŋ be keriŋ nuŋ. Ŋà i tentu, kaatu i ye i la sembe baa yitandi le, i ye a dati le ka maraloo ke.

Lankenemoo 22:20

Ate meŋ ka ñiŋ kuwolu seedeyaa, a ko le, “Tooñaa, sambii nte be naa la!” Amiin, naa, Maarii Yeesu!

Lankenemoo 4:8

Wo daafeŋ baluuriŋ naanoo, ì meŋ-wo-meŋ ye dampaŋ wooro le soto. Wo dampaŋolu be faariŋ ñaalu le la, ì kara fuloo bee. Suuto tili, ì nene maŋ i dahaa ñiŋ jayiroo la ko: “Seneyaa, seneyaa, seneyaa be Maarii Alla Tallaa le fee, ate meŋ be keriŋ nuŋ, meŋ be keriŋ, aniŋ meŋ be naa la.”

Lankenemoo 7:12

Ì be a fo kaŋ ko: “Amiin! Jayiroo niŋ tenturoo, ñaameŋo, kallankeeyaa* niŋ horomoo, semboo niŋ waroo bee be ǹ na Alla le ye, fo abadaa. Amiin!”