Jabuuroolu 41:12 - Mandinka Bible

¹² I ye i buloo duŋ n koto le, n na sootaaribaliyaa kaŋ, aduŋ i ye n sabatindi i fee le fo fawu.

Jabuuroolu 41:12 ပူးပေါင်းရင်းမြစ်များ

Yuuba 36:7

A buka ñina moo tilindiŋolu la muk, a ka ì ke le ko mansakewo meŋ tarata siiriŋ a la mansasiiraŋo kaŋ fo fawu, a niŋ kuliyaa.

Jabuuroolu 37:17

Kaatu Yaawe be moo jawoolu fankoo baŋ na le, bari a be moo tilindiŋolu kanta la le.

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Jabuuroolu 63:8

Ŋa n deŋ ite le la, aduŋ i buloo be n koto le ka n tanka.

Jabuuroolu 34:15

Yaawe ñaa ka tara looriŋ moo tilindiŋolu kaŋ ne, aduŋ a tuloo ka tu looriŋ ne ka ì woosiikaŋo moyi.

Jabuuroolu 25:21

Allamaa n na sootaaribaliyaa niŋ n na tiliŋo ye n tankandi, kaatu n jikoo be ite le kaŋ.

Jabuuroolu 94:18

N kumata le ko, nte boyitoo le mu. Bari Yaawe, i la kanu bambaloo kaŋ, i ye i buloo duŋ n koto le.

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Jabuuroolu 30:2

Yaawe n na Alla, n kumboota i ye le ka m maakoyi, aduŋ i ye n kendeyandi le.