Jabuuroolu 41:1 - Mandinka Bible

¹ Neemoo be moo le ye meŋ ka moo koririŋolu hati, Yaawe* be a tankandi la le mantooroo waatoo la.

Jabuuroolu 41:1 ပူးပေါင်းရင်းမြစ်များ

Jabuuroolu 112:9

A ka niiroo ke baake le, ka a dii fentaŋolu la. A la tiliŋo te ke la ñina kuu ti fo abadaa. A semboo be wara la le, aduŋ moolu be a horoma la le.

Jabuuroolu 34:19

Mantoora kuu jamaa le ka laa moo tilindiŋo kaŋ, bari Yaawe ka a kiisa ì bee le kono.

Jabuuroolu 37:19

Ì te bula la maloo kono koleyaa waatoo la. Konkoo waatoo la, ì konoo be faa la le.

Jabuuroolu 37:26

A ka sooroo ke kendeke le, aniŋ ka moolu donto, aduŋ a diŋolu ka ke neema moolu le ti.

Kuma Kotoomaalu 14:21

Moo ka jutu a siiñoo la, wo mu junube kuwo le ti, bari barakoo be moo le ye, meŋ ka moolu maakoyi, mennu be suuloo kono.

Kuma Kotoomaalu 16:14

Mansa la kamfaa mu saayaa taamanseeroo le ti, bari moo ñaamendiŋo le ka a la kamfaa jindi.

Kuma Kotoomaalu 19:17

Moo-wo-moo beteyaata fuwaaroo fee, a ka Yaawe le julu duŋ, aduŋ a be a joo la a kebaaroo la le.

Kawandilaa 12:1

I hakiloo si bula i Daamansoo la, i la fondinkeeyaa tiloolu la, janniŋ i la bataa tiloolu ka naa, aniŋ saŋolu mennu ka i waliŋ naŋ, i be a fo la mennu la ko, “M maŋ niiseewoo soto ì kono.”

Yeremiya 39:17

Bari m be ite tankandi la le wo luŋo la, aduŋ i te duŋ na wo kewolu bulu, i be silariŋ mennu la.’ ” Yaawe le ye a fo.

Maaka 14:7

Baawo fuwaaroolu be tara la ali fee le waati-wo-waati, wo to ali si kuu kendoo ke noo ì ye le waatoo bee la, ali lafita a la ñaameŋ. Bari nte te tara la ali fee waati-wo-waati.

Kiilaalu 20:35

Kuwolu bee kono, ŋa mennu yitandi ali la, ǹ ñanta dookuwo ke la baake wo le ñaama ka moo lamfuriŋolu maakoyi. Ali hakiloolu si bula m̀ Maarii Yeesu la kumoolu la ko, ‘Ka sooroo ke, wo le neemoo warata diina ka a taa.’ ”

Kalatiyankoolu 2:10

Bari ì naata a fo ǹ ye ko, ǹ kana ñina fuwaaroolu la, mennu be ì fee. Wo mu kuwo le ti, n tarata meŋ kata kaŋ baake.

1 Tesalonikankoolu 5:14

Baadiŋolu, m̀ be ali wakiilindi la, ali si moolu dandalaa, mennu maŋ lafi dookuwo la. Ali jooteentuŋolu wakiilindi, ali ye moolu maakoyi mennu lamfuta, aduŋ ali si ke muñalaa ti moolu bee ye.

Hiburunkoolu 6:10

Kaatu Alla tilinta le, aduŋ a te ñina la ali la dookuwo la, aniŋ kanoo, ali ye meŋ yitandi a too kamma la, ka moo senuŋolu maakoyi, aduŋ ali be looriŋ wo kaŋ ne hani saayiŋ.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Lankenemoo 3:10

Baawo i ye n na yaamaroo muta niŋ wakiiloo le la muñoo kono, m be ite tanka la wo kotoboroo waatoo la le, meŋ be naa la duniyaa bee kaŋ. A be naa la le ka moolu kotobo, mennu be baluuriŋ ñiŋ duniyaa kono.

Ruti 2:19

Bituŋ a bitammusu ko a ye ko, “I ye karaŋ feefewo ke mintoo le bii? I ye dookuwo ke mintoo le? Allamaa neema ke la ñiŋ kewo ye, meŋ ye i kalamuta.” Wo to le Ruti naata a fo a bitammusu ye, a ye dookuwo ke meŋ na dulaa to. A ko, “Ŋa dookuwo ke kewo meŋ na kunkoo to bii, a too mu Bowasi le ti.”