Jabuuroolu 40:9 - Mandinka Bible

⁹ Yaawe, i la moolu la beŋ baa to, ŋa kibaari diimaa fo le, i ye ǹ tankandi ñaameŋ. I ye a loŋ ne ko, n te n daa kaari la a foo la.

Jabuuroolu 40:9 ပူးပေါင်းရင်းမြစ်များ

Jabuuroolu 119:13

M be i la luwaalu bee kiliŋ-kiliŋ seyinkaŋ na le, i ye mennu dii i la moolu la.

Jabuuroolu 139:2

I ye n siitoo niŋ n lootoo loŋ ne. I niŋ n teemoo jamfata ñaa-wo-ñaa, i ye n na miiroolu bee kalamuta le.

Jabuuroolu 22:22

M be a fo la m baadiŋolu ye le. M be i jayi la baturilaalu la beŋo to le.

Jabuuroolu 22:25

N na jayiroo kafu baa teema sunta ite le la. M be n na laahidoolu timmandi la moolu ñaa la le, mennu ye i kuliyaa.

Jabuuroolu 35:18

M be i tentu la i la moolu la beŋ baa to le ka i jayi jamaa bee ñaatiliŋo la.

Jabuuroolu 37:31

A ka a Maarii Alla la karandiroo muta a sondomoo kono le, aduŋ a buka a lamfee.

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Hiburunkoolu 2:12

Bituŋ a ko Alla ye ko: “M be i too la waroo fo la m baadiŋolu ye le. M be i jayi la baturilaalu la beŋo to le.”

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.