Jabuuroolu 40:2 - Mandinka Bible

² A ye n saba ka m fintindi naŋ kasaara dinkoo kono, ka bo naŋ potoo mereŋo kono, aduŋ a ye n londi bere baa kaŋ, ka a tinna ŋa taama, n te taki la.

Jabuuroolu 40:2 ပူးပေါင်းရင်းမြစ်များ

Jabuuroolu 37:23

Yaawe le ka moo kanda a taaraŋ siloo kaŋ, aduŋ niŋ meŋ na kuwo ye a kontaani, a ka a maarii tanka le.

Jabuuroolu 119:133

N na simfaañaalu kanta n kana boyi, ka bo niŋ i la yaamaroo la, aduŋ kana soŋ kuu jawoo ye m mara.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 61:2

N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

Jabuuroolu 69:2

M be kunuŋ kaŋ potoo mereŋo le kono tuku te daameŋ. M bulata jii diinondiŋo le kono, aduŋ jiibaliŋolu le ka sele n kaŋ.

Jakariya 9:11

“N na moolu, n niŋ ali ye kambeŋo siti le, ŋà a bambandi beeyaŋ sadaa* yeloo la. Wo kamma la, m be ali la moolu firiŋ na mutoo kono le, meŋ be ko koloŋo, jii te daameŋ.

Jabuuroolu 18:36

M be siloo meŋ kaŋ, i ye a fanundi n ye fo n siŋo kana taki.

Kiilaalu 2:24

Bari Alla ye a wulindi saayaa kono, a ye a bondi saayaa kono, kaatu saayaa la semboo te a muta noo la.

Jabuuroolu 143:3

Nte jawoo ye m bayindi le, aduŋ a ye n korindi le las. A ye n dundi dibi fiŋo le kono, n ka munta moolu mennu faata waati jaŋ koomanto.

Jabuuroolu 17:5

N ka tu i la taaraŋ siloo le kaŋ, m buka i la siloo lamfee.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Matiyu 13:50

aduŋ ì be ì fayi la fuuri dimbaa wuleŋo le kono, kumboo niŋ nimisoo be daameŋ.”

Yesaya 24:22

A be ì kafuŋ-kafuŋ na ñoo kaŋ ne, ko ì ye bunjawutonkoolu mennu fayi dinkoo kono. Ì be ì soroŋ na bunjawoo kono le. Niŋ tili jamaa tambita, ì ye ì jarabi.

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.