Jabuuroolu 40:16 - Mandinka Bible

¹⁶ Allamaa moolu mennu bee ka i ñiniŋ, ì ye seewoo aniŋ ì ye jusulaa. Moolu mennu be ñaaniriŋ kiisoo la i bulu, Allamaa ì ye tu la a fo la ko, “Yaawe warata le.”

Jabuuroolu 40:16 ပူးပေါင်းရင်းမြစ်များ

Jabuuroolu 35:27

Allamaa mennu ye boloo ŋaniya n ye, wolu ye wuuri seewoo niŋ jusulaa kono, ì ye tara a fo la ko, “Yaawe warata le, ate meŋ ka kontaani nte la kayiroo la, a la dookuulaa.”

Jabuuroolu 68:3

Bari Allamaa moo tilindiŋolu ye jusulaa aniŋ ka seewoo Alla ñaatiliŋo la. Allamaa ì ye kontaani burayi.

Kiilaalu 19:17

Moolu bee mennu be sabatiriŋ Efesus, Yahuudoolu niŋ Jirisinkoolu, naata ñiŋ loŋ. Ì bee faata niŋ silaŋo la, aduŋ Maarii Yeesu too naata kuliyaa baake.

Jabuuroolu 119:123

N korita i la kiisandiroo kotofeloo la le, aniŋ ka i la laahidi tilindiŋo taamandi n ye.

Jabuuroolu 105:3

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

Jabuuroolu 22:26

Fentaŋolu be domoroo ke la le ì ye kaañaŋ. Moolu mennu ka Yaawe ñiniŋ, wolu le be a jayi la. Allamaa ali ye jusulaa fo abadaa.

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Jabuuroolu 119:81

N ñaanita i la kiisandiroo la le fo n korita. Ŋa n jikoo loo i la kumoo le kaŋ.

Jabuuroolu 35:21

Ì ye ì daalu yele le ka wuuri n kamma ko, “Je! Je! Ntolu faŋolu ñaa le ye i je a la.”

Esekiyeli 26:2

“Hadamadiŋo, Tirenkoolu ye ñiŋ ne fo Yerusalaamu ma ko, ‘Ahaa, a bundaalu bee katita le, ì yeleta ǹ ye le hawu. Saayiŋ m̀ be ñaatotaa soto la le, kaatu jee tumbunta le.’ ”