Jabuuroolu 40:14 - Mandinka Bible

¹⁴ Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 40:14 ပူးပေါင်းရင်းမြစ်များ

Jabuuroolu 35:26

Allamaa mennu ka jele n na kooroo la, ì bee ye bula maloo kono, ì ye piwu. Allamaa mennu ka ì faŋ wara n ti, maloo niŋ jutunnayaa ye feenee ì kaŋ.

Jabuuroolu 35:4

Allamaa mennu bee ka a kata ka m faa, ì ye bula maloo niŋ jutunnayaa kono. Allamaa mennu ka kuu jawoo siti n kamma, ì ye muru ì koo la, ì ye piwu.

Jabuuroolu 71:13

Allamaa n niyo toorandilaalu ye bula maloo kono, ì ye kasaara. Allamaa mennu ka a kata ka m mantoora, ì ye bula maloo niŋ jutunnayaa kono.

Yohana 18:6

Kabiriŋ Yeesu ko ì ye ko, “Nte le mu,” ì muruta kooma, aduŋ ì boyita bankoo to.

Yesaya 45:24

Ì be a fo la m ma le ko, ‘Tiliŋo niŋ semboo be Yaawe dammaa le fee.’ Moolu mennu kamfaata n kamma, ì niŋ maloo le be naa n kaŋ.

Jabuuroolu 9:3

N jawoolu ka muru ì koo la le. Ì ka taki le ì ye kasaara i ñaatiliŋo la.

Yesaya 41:11

“Ali a juubee, moolu mennu bee ka kamfaa ali kamma, ì be tara la maloo niŋ dooyaa le kono. Ali kelelaalu te feŋ nafaa la, aduŋ ì be kasaara la le.

Jabuuroolu 22:12

Jawoolu jamaa le ye m murubeŋ, komeŋ ninsituuraalu, ì ye m murubeŋ karoo bee le la, ì ka munta le ko Basani tundoo ninsituuraa saŋaroolu.

Jabuuroolu 22:20

N niyo tanka n jawoolu la hawusaroo* ma. N niyo tanka ñiŋ wulu saŋaroolu ma, ŋa nii kiliŋo meŋ soto.

Jabuuroolu 70:1

Hee Alla, n tankandi. Yaawe*, naa katabake ka m maakoyi.

Jabuuroolu 109:20

Allamaa wo ye ke n tuumilaalu la joo ti ka bo Yaawe bulu, wolu mennu ka kuma jawoolu fo m ma.