Jabuuroolu 40:12 - Mandinka Bible

¹² Mantoora kuwolu be n ye karoo bee le la, n te ì yaatewo konti noo la. N na junuboolu tambita n kunna le, fo m buka n je noo. Ì siyaata n kuntiña kesoolu ti le, fo n jikilateyita.

Jabuuroolu 40:12 ပူးပေါင်းရင်းမြစ်များ

Jabuuroolu 38:4

N na junuboolu la siyaa tambita n kunna le, ì dunoo kuliyaata n ti le.

Jabuuroolu 73:26

N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Jabuuroolu 69:4

Moolu mennu ye n koŋ, daliila te a la, ì yaatewo le siyaata hani n kuntiña kesoolu ti. N jawoolu ka faniyaa le fo m ma, ì semboo warata le, aduŋ ì lafita le ka m faa. Ì ka n joorindi feŋolu le la m maŋ mennu nakari.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Jabuuroolu 19:12

Jumaa le ka a faŋo la boyidaalu je noo? Yaawe, yamfa n na sootaaroolu ma, m maŋ mennu kalamuta.

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

1 Pita 3:18

Kaatu tooñaa, Kiristu faata junuboolu le ye, siiñaa kiliŋ moo bee ye. Moo tilindiŋo faata moo tilimbaloolu ye, fo a si ǹ samba naŋ Alla yaa. Ì ye a baloo le faa, bari Alla la Nooroo ye a wulindi ka baluu.

Hiburunkoolu 4:15

Ŋà piriisi kuntii baa le soto, meŋ ye balafaa soto noo ǹ ye ǹ na sembentaŋyaa kono, kaatu marisa kuwolu naata a faŋo kaŋ ne sila-wo-sila la ko m̀ be ñaameŋ, bari ate nene maŋ junuboo ke.

Luka 21:26

Moolu be kuwolu mennu je la ke la duniyaa kono, wo be ì ketundi la le silaŋo kamma la, kaatu saŋ fatoolu la semboolu be jiijandi la le.

1 Musa 42:28

A ko a mooñoolu ye ko, “Ì ye nte la kodoo murundi n kaŋ ne, a fele, n na bootoo kono jaŋ.” Ñiŋ kuwo ye ì bee kijoo fara, ì be jarajara la ñoo kaŋ, ka a fo ko, “Alla ye muŋ ne ke ntolu la teŋ?”

Jabuuroolu 61:8

Wo kamma la m be suukuwolu laa la le ka i jayi niŋ i too la fo abadaa, aduŋ m be n na laahidoolu timmandi la le luŋ-wo-luŋ.