Jabuuroolu 39:6 - Mandinka Bible

⁶ Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Jabuuroolu 39:6 ပူးပေါင်းရင်းမြစ်များ

Kawandilaa 2:26

Moo meŋ ye Alla kontaanindi, a ka ñaameŋo dii wo le la, londoo, aniŋ niiseewoo. Bari junubelaa, a ka bataa le laa wo kaŋ, ka tara naafuloo kafu kaŋ ñoo ma ka a maabo moo ye, meŋ ka Alla kontaanindi. Ñiŋ fanaa maŋ ke feŋ ti, a ka munta le ko foño bayindoo.

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

1 Korintinkoolu 7:31

aniŋ mennu ka ñiŋ duniyaa feŋolu dookundi, wolu si ke ko ì buka nafaa soto ì to, kaatu ñiŋ duniyaa keñaa be tambi kaŋ ne.

Kawandilaa 12:13

A bee moyiriŋo koolaa, kuwo ñiŋ kumfaaraŋo fele: Sila Alla la, i ye a la yaamaroolu muta. Ñiŋ ne mu hadamadiŋo kekuwo ti.

Kawandilaa 5:14

A foota a la fankoo la, mantaabembaliyaa kono. Niŋ a ye diŋo soto, a be a bulu kenseŋo le tu la.

1 Pita 5:7

Ali ali la bataa dunoo bee landi ate kaŋ, kaatu ate le ka tu looriŋ ali topatoo la.

Luka 12:29

“Wo kamma la, ñiŋ kana ali jaakali, ali be meŋ domo la, waraŋ ali be meŋ miŋ na, sako ali niyo si toora.

Yesaya 55:2

Muŋ ne ye a tinna ali ka kodoo duŋ kuu to, meŋ te ali balundi noo la, aduŋ ali ka dookuwo ke kuu to meŋ te ali wasa la? Ali i lamoyi, ali i lamoyi n na, ali ye domori kendoo domo, meŋ be ali niyo seewoo la.

Kawandilaa 12:8

Kawandilaa ko, “Feŋ na feŋ te, a bee le maŋ ke feŋ ti.”

Kawandilaa 2:8

Ŋa sanoo niŋ kodiforoo kafu ñoo ma, aniŋ naafuloolu ka bo mansoolu bulu, aniŋ ka bo banku doolu kaŋ. Ŋa denkililaalaa musoolu niŋ kewolu soto, aniŋ musu jamaa, mennu ka kewo niyo seewondi.

Kawandilaa 1:14

Ŋa a je le kuwolu mennu bee ka ke ñiŋ duniyaa tiloo koto. Ñiŋ bee maŋ ke feŋ ti, a ka munta le ko foño bayindoo.

Kuma Kotoomaalu 13:22

Moo kendoo ka keetaafeŋo tu a diŋolu ye le hani a mamariŋolu fanaa ka a soto le, bari junubelaa la naafuloo ka tara maaboriŋ moo tilindiŋo le ye.

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

1 Pita 1:24

Wo kamma la, a be safeeriŋ ne ko: “Hadamadiŋolu bee be le ko ñaamoo, ì la ñiiñaa be le ko wulakono firoo. Ñaamoo ka noro le, a firoolu ye joloŋ,

Yankuba 5:3

Ali la sanoo niŋ kodiforoo komonta le, aduŋ ì la wo komoŋo le be seedeyaa ke la ka ali tuumi. A be ali baloo domo la le ko dimbaa. Ali ye naafuloo le kafuŋ-kafuŋ luŋ labaŋolu ye.

Kuma Kotoomaalu 27:24

kaatu naafuloo buka tu fo abadaa, aduŋ mansayaa te tu la fo jamaanoolu ye baŋ.

Kuma Kotoomaalu 23:5

Jee niŋ jee naafuloo si naa, a ye taa kataba kiliŋ, a ka munta le ko a ye dampaŋolu le soto, a ye tii saŋo santo ko seeliŋo.

Yuuba 7:7

Alla, i hakiloo bulandi ko, nte la baluwo la sutiyaa be le ko niijiyo niŋ niiseloo teema. N te kuu betoo loŋ na kotenke.

Yuuba 7:16

M pasita le ka tara baluwo to, hani wo nte, n te tara la baluwo to fo fawu. M bula ŋa faa. Nte la tara baluuriŋ nafaa mu muŋ ne ti?

Yuuba 14:1

Hadamadiŋo meŋ, a ka wuluu ka bo musoo le kono, a baluu tili maŋ siyaa, a bee be faariŋ nambaroo la.

Jabuuroolu 89:48

Moo jumaa le si baluu a ye kaari saayaa ma? Jumaa le si a faŋ tanka noo kaburoo ma? S

Jabuuroolu 144:4

Moo la baluwo la sutiyaa be le ko, niiseloo niŋ niijiyo teema, a ka yeemaŋ ne katabake komeŋ niiniyo.

Kawandilaa 11:10

Niikuyaa kuwolu bondi i sondomoo to, i ye i baloo dahandi bataa la. Kaatu dindiŋyaa waatoo, niŋ fondinkeeyaa bee maŋ ke feŋ ti.

Luka 12:26

Wo to, niŋ ali maŋ wo kuundiŋo ke noo, muŋ ne ye a tinna ali ka ali faŋolu batandi wo kuu koteŋolu la?