Jabuuroolu 39:11 - Mandinka Bible

¹¹ I ka moolu jalayi le, ka ì kuluu, ì la junuboolu kamma la, i ye ì la sotofeŋolu kasaara, ì ye mennu kanu, komeŋ niŋ tumboolu dunta feŋo la. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Jabuuroolu 39:11 ပူးပေါင်းရင်းမြစ်များ

Yuuba 13:28

Wo le ye a tinna m be tiñaa kaŋ, n keta komeŋ babara toliŋo. N keta komeŋ bayoo, tumboolu dunta meŋ na.

Yesaya 50:9

Maarii Yaawe le ka m maakoyi. Wo to moo jumaa le si n na boyidaa yitandi noo? Ì bee be naa tiñaa la le ko bayoo, tumboolu ye meŋ domo.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Hiburunkoolu 12:6

Kaatu Maariyo ye meŋ kanu, a ka wo le kuluu, aduŋ moo-wo-moo, a ka meŋ muta a diŋo ti, a ka wo maarii buutee le.”

1 Korintinkoolu 5:5

ali si wo kewo dii Seetaanoo* la fo a balajaatoo si kasaara, bari a la nooroo si kiisa Maarii Yeesu la luŋo la.

2 Pita 2:16

Bari a naata jalayiroo soto ka bo a la faloo le bulu, meŋ mu mumuna feŋo ti. Wo diyaamuta a ye niŋ hadamadiŋ kaŋo le la, a la junuboo kamma la. A ye annabiyomoo ñiŋ bali kuu fuuriŋ kewo la wo le ñaama.

Hoseya 5:12

Wo le ye a tinna n keta Efurayimu ye ko tumboo, n keta Yahuuda ye ko baabaa.

Yuuba 30:30

M balajaatoo finta, a bee wurata, m baloo kono kandita wit.

Yuuba 4:19

Wo to i ye a miira, a si laa hadamadiŋo la, meŋ daata potoo la, meŋ daata ka bo bankoo bala, meŋ faa be sooneeyaariŋ ko tumboo?

Yuuba 9:34

fo meŋ si a tinna, a si i foño n jaraboo la, a kana n silandi kotenke.