Jabuuroolu 38:6 - Mandinka Bible

⁶ N korita le las, m be laariŋ dek. Tiloo muumewo n ka tu woosiyo le la.

Jabuuroolu 38:6 ပူးပေါင်းရင်းမြစ်များ

Yuuba 30:28

N niikuyaariŋo le ka taa, tiloo ka tara dibiriŋ m ma, n ka loo saatee bendulaa to ka deemaaroo ñini.

Jabuuroolu 35:14

A ka munta le n teerimaa waraŋ m baadiŋo la kuwo sunoo le be n na. N ka tara jirandiŋ, n niŋ woosiyo, ko moo meŋ ka a baamaa la saŋo kumboo.

Jabuuroolu 42:9

Ate Alla meŋ mu n na semberaŋ beroo ti, n ka a fo a ye le ko, “Muŋ ne ye a tinna i ñinata n na? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?”

Jabuuroolu 43:2

Ite Alla le mu n tuukuraŋo ti, muŋ ne ye a tinna i ye m bula? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?

Jabuuroolu 42:5

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

Jabuuroolu 145:14

Yaawe ka moolu maakoyi le mennu be boyoo daa to, a ye moolu sikandi mennu be jirandiŋ.

Jabuuroolu 88:9

Niikuyaa ye a tinna le n ñaalu dibita. Hee Yaawe, luŋ-wo-luŋ n ka i kumandi le. N ka m buloolu wulindi i ye le ka duwaa.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Jabuuroolu 31:10

Kaatu n na baluwo keta niitooroo le ti, aniŋ sikisikoo doroŋ, m baluu saŋolu bee la. N na ŋayiboo ye a tinna le n semboo banta. N kuloolu faŋo korita le.

Jabuuroolu 6:6

N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.

Yesaya 38:14

N woosiita le ko kunoo, n woosiita ko puraa la woosiyo. N ñaa korita juubeeroo la saŋo santo le. Hee Maariyo, m bataata le, naa n deemaa.

Yuuba 7:5

M baloo kono bee keta tumboo ti, aniŋ m bala fatewo kaŋ bee keta maadiŋ fatoolu ti. Niŋ ì kendeyaata doroŋ, ì ye faa fiyo la kotenke.

Jabuuroolu 107:17

Doolu tooleeyaata ì la balambaatooyaa kaŋ ne, aduŋ ì la kuu jawoolu kamma la, mantoora baa laata ì kaŋ.