Jabuuroolu 38:4 - Mandinka Bible

⁴ N na junuboolu la siyaa tambita n kunna le, ì dunoo kuliyaata n ti le.

Jabuuroolu 38:4 ပူးပေါင်းရင်းမြစ်များ

Jabuuroolu 40:12

Mantoora kuwolu be n ye karoo bee le la, n te ì yaatewo konti noo la. N na junuboolu tambita n kunna le, fo m buka n je noo. Ì siyaata n kuntiña kesoolu ti le, fo n jikilateyita.

Esira 9:6

N kumata ko: “M Maarii Alla, m maluta le fo a tambita, ka n ñaa tiliŋ i la. Ǹ na junuboolu niŋ ǹ na boyoo la waroo tambita ǹ kunna le. Ì futata saŋ fatoolu ma le.

Matiyu 11:28

Ali naa nte kaŋ, alitolu bee mennu ye bataa soto aniŋ duni kuliŋo. M be ali dahandi la le.

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.

Niikuyaa Suukuwolu 1:14

“Ñok, a ye m muta, ka n na junuboolu siti n ye yookoo* ti, a faŋo buloo le ye ì siti, fo ì nakita n kaŋo bala, a ye a tinna n korita las. Maariyo ye n duŋ moo bambandiŋolu le bulu, n te n loo noo la ì fee.

Yesaya 53:11

A la mantooroo jeriŋ koolaa, a be tara la mala baa le kono, a ye wasa. N na dookuulaa tilindiŋo, ka bo niŋ a la londoo la, moo jamaa si ke moo tilindiŋo ti, kaatu a be ì la junuboo bee dunoo taa la le.

3 Musa 7:18

Niŋ kayira sabatindiraŋ beeyaŋo suboo domota tili sabanjaŋo la, a sadaa te muta la. A te muta la a maarii ye, kaatu a konta le. Moo-wo-moo ye a suboo domo, a dunoo be laa la a kaŋ ne.

Yuuba 33:19

Alla ka moo dandalaa le fanaa ka dimoo jaraboo laa a kaŋ, a kuloo si tara a teyi kaŋ doroŋ.

Jabuuroolu 107:17

Doolu tooleeyaata ì la balambaatooyaa kaŋ ne, aduŋ ì la kuu jawoolu kamma la, mantoora baa laata ì kaŋ.