Jabuuroolu 37:6 - Mandinka Bible

⁶ A be i la tiliŋo yitandi la le, a ye koyi lewu, aniŋ i boloo, komeŋ tilikuntewo.

Jabuuroolu 37:6 ပူးပေါင်းရင်းမြစ်များ

Yesaya 54:17

Bari jooraŋ-wo-jooraŋ dadaata i kamma, a te taama la. Moo-wo-moo ye i tuumi a neŋ kolomoo la, i be a faniyandi la le. Wo le mu n na dookuulaalu ye keetaafeŋo ti, aniŋ ì la kañeeroo ka bo m bulu.” Yaawe le ye a fo.

Yuuba 11:17

Aduŋ i la baluwo kono, i si naa mala ko tiloo. I la baluwo diboo be ke la le komeŋ fanikee maloo.

Yesaya 58:8

Niŋ ali ye wo kuwolu ke, ali la kiisoo be naa la le ko fanikewo. Ali be jaaraloo soto la katabake le. Ali la tiliŋo le be ali ñaatonkayaa la, nte Yaawe la kallankeeyaa* le ye ali kooma tankandi.

Matiyu 13:43

Bituŋ moo tilindiŋolu si malamala ko tiloo ì Faamaa la mansabaayaa kono. Meŋ ye tuloo soto, a si a moyi.

Yesaya 58:10

ali ye domoroo dii konkotoolu la, ali ye moo mantoorariŋolu suula kuwolu ke ì ye, wo to ali la maloo be bo la naŋ diboo le kono, ali la suutoo ye ke ali ye ko tilibuloo.

Jabuuroolu 31:20

I ka ì sutura le, ì ye tara i fee suturoo kono, ka tanka moolu la kiriikaraa ma. I ka ì muta kuu i sabatidulaa le to, ka ì tankandi neŋ fatiŋolu ma.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Yeremiya 51:10

Yaawe la moolu ko, “Yaawe ye ǹ na kuwo kiitiyo koyindi le. Ali naa ŋà a kankulaa Siyoni*, Yaawe, ǹ na Alla ye meŋ ke.”