Jabuuroolu 37:4 - Mandinka Bible

⁴ Seewoo Yaawe la kuwo la, aduŋ hame kuwolu mennu be i sondomoo to, a be ì dii la i la le.

Jabuuroolu 37:4 ပူးပေါင်းရင်းမြစ်များ

Yohana 15:7

Niŋ ali tuta nte kono, aduŋ n na kumoolu tuta ali kono, ali ye kuu-wo-kuu daani, ali lafita meŋ na, a be ke la ali ye le.

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Yesaya 58:14

Wo to le ali be seewoo soto la nte Yaawe la karoo la, m be ali la kuwo wulindi la le ka ali yiriwandi duniyaa kono, m be ali daañini la bankoo munafaŋ feŋolu la le, keetaafeŋo, ŋa meŋ dii ali bonsuŋo Yaakuba la.” Yaawe faŋo le ye a fo.

Yohana 15:16

Alitolu maŋ nte tomboŋ, bari nte le ye alitolu tomboŋ. Ŋa ali tomboŋ ne, fo ali si taa ka diŋ ko yiroo, aduŋ ali la diŋolu si tu jee, ì kana tiñaa. Wo to le, niŋ ali ye m Faamaa daani feŋ-wo-feŋ na nte too la, a be a dii la ali la.

Yuuba 22:26

Ate Alla Tallaa le be naa ke la i la seewoo sababoo ti, aduŋ i te malu la a ñaatiliŋo la.

1 Pita 1:8

Ali nene maŋ a je ñaa-wo-ñaa, bari ali ye a kanu. Hani ali maŋ ate je saayiŋ, ali laata a la, aduŋ ali be faariŋ niŋ seewoo baa la, meŋ warata fo a te misaali noo la.

Jabuuroolu 104:34

Allamaa n na miiroo ye Yaawe kontaani, kaatu a la kuwo le ka n seewondi.

Yuuba 27:10

Fo a si seewoo ñini Alla Tallaa bulu baŋ? Fo a be tara la Alla too kumandi la le waati-wo-waati?

Jabuuroolu 43:4

Bituŋ n si taa i la sadaajanidulaa* to. N na seewoo aniŋ jusulaa ka bo ite le bulu. Hee Alla, n na Alla, n si kontiŋo kosi, ŋa suukuwo laa ka i jayi.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Yuuba 34:9

A ko a faŋ ma ko, a maŋ nafaa soto hadamadiŋo ye, ka diyaa ñini a niŋ Alla teema.

Kuma Kotoomaalu 10:24

Moo kuruŋo silata kuwo meŋ na, a be bula la a kono le, bari moo kendoo ye meŋ ŋaniya, wo le be ke la a ye.