Jabuuroolu 37:3 - Mandinka Bible

³ Dankeneyaa Yaawe* la, i ye baara kuu betoo la, fo i si baluu ñiŋ bankoo kaŋ tankoo kono.

Jabuuroolu 37:3 ပူးပေါင်းရင်းမြစ်များ

Jabuuroolu 62:8

Moolu, ali dankeneyaa Alla la waati-wo-waati. Ali ali kono kuwo bee fo a ye, kaatu ate le mu ǹ tuukuraŋo ti. S

Luka 22:35

Bituŋ Yeesu ye a la saayiboolu ñininkaa ko, “Biriŋ ŋa ali kii, ali niŋ kufoo, kalipewo waraŋ samatoolu maŋ taa, fo ali dasata feŋ ne la baŋ?” Ì ye a jaabi ko, “Hani feŋ!”

Jabuuroolu 4:5

Ali sadaalu* bo, ko a ñanta ñaameŋ, aduŋ ali si dankeneyaa Yaawe la.

Jabuuroolu 26:1

Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

5 Musa 30:20

Ali Yaawe ali la Alla kanu, ali ye a la kumoo muta, ali ye i deŋ a la. Wo le be baluwo niŋ siimaayaa dii la ali la, ali si tu sabatiriŋ bankoo kaŋ, Yaawe kalita ali mumu Iburayima, Isiyaaka aniŋ Yaakuba ye, ka daameŋ dii ì la.

Yesaya 50:10

Jumaa le be alitolu kono meŋ silata Yaawe la, aniŋ ka a la dookuulaa la yaamaroo muta? Moo meŋ be diboo kono a maŋ mala soto, ñanta dankeneyaa soto la Yaawe la le, a ye i tuuku Alla la.

Jabuuroolu 33:19

A ka ì tanka kerekere saayaa ma le, aduŋ a ka ì balundi le, konkoo waatoo la.

1 Musa 26:2

Yaawe* fintita a kaŋ, a ko a ye ko, “Kana taa Misira. Sabati bankoo kaŋ, m be meŋ yitandi la i la.

1 Samuweli 26:19

M maarii mansa, i lamoyi nte i la dookuulaa be naa meŋ fo la. Niŋ a ye a tara, Yaawe le ye i wulindi n kamma, a si ke, a ye sadaa* muta le. Bari niŋ moolu le ye a ke, Allamaa Yaawe la dankoo ye jii ì kaŋ, kaatu ì ye m fondi n niyo la le Yaawe la keetaafeŋo to, aduŋ ì ko, ‘Taa, i ye taa alla koteŋolu batu.’

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

1 Musa 26:3

Sii ñiŋ bankoo kaŋ ko luntaŋo. M be tara la i fee le, aduŋ m be neema la i ma le. M be ñiŋ bankoo bee dii la i la, aniŋ i koomalankoolu, aduŋ m be laahidoo timmandi la le, ŋa n kali meŋ na i faamaa Iburayima ye.

1 Mansoolu 19:6

A wulita, a ye a ñaa muruŋ-muruŋ, a ye mbuuru kuŋo je meŋ janita niŋ dimbaa keñemboo la aniŋ jiibindaariŋo a kuŋo daala. A ye domoroo ke, a ye i miŋ, bituŋ a ye i laa kotenke.

Kuma Kotoomaalu 3:5

Laa Yaawe* la niŋ i sondomoo bee la, kana jiki i fansuŋ miiroolu la.