Jabuuroolu 37:12 - Mandinka Bible

¹² Moo jawoo ka feeroo siti moo tilindiŋo kamma le, fo a ka i ñimmakiŋ a kamma.

Jabuuroolu 37:12 ပူးပေါင်းရင်းမြစ်များ

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Jabuuroolu 35:16

Ì la ñaawaliroo jawuyaata le ko Alla sookilaalu. Ì kamfaatoo ka i ñimmakiŋ n kamma le.

Daniyeli 8:12

aniŋ Alla la moolu. A ye kuu ñantabaloo le seyi luŋ-wo-luŋ sadaalu noo to. A ye tooñaa boyindi le, aduŋ a ye ñaatotaa soto kuwolu to le, a ye mennu ke.

Jabuuroolu 31:13

Ŋa a moyi le moo jamaa ka meŋ dumbu ko, maasiiboo le be karoo bee la. Ì ka jamfaa le siti n kamma, ì be feeroo taamandi kaŋ ne, ka n niyo taa.

Matiyu 26:16

Ka bo wo waatoo la Yudas tarata siloo ñini kaŋ ne ka Yeesu jamfaa.

Matiyu 26:4

Ì ye feeroo siti ka Yeesu muta kulloo kono aniŋ ka a faa.

Daniyeli 8:24

A semboo la waroo be lafaa la le, bari a te ke la a fansuŋ semboo la. A be kasaara kuwo ke la le, meŋ silaŋo be wara la baake, aduŋ a ye kuu-wo-kuu ke, a be ñaatotaa soto la le. A be moo sembemaalu kasaara la le, aniŋ Alla faŋo la moolu.

Esita 3:6

Bari a maŋ lafi ka Moridekayi dammaa faa. Ì ye a fo a ye le, Moridekayi la moolu mu siyo meŋ ti, bituŋ Hamani lafita Yahuudoolu Moridekayi siyo bee kasaara la, mennu tarata Mansa Ahasuweru la bankoolu kaŋ.

1 Samuweli 18:21

A ko a faŋo ye ko, “M be Mikali dii la Dawuda la le. M be ate le taa la ka feeroo siti a kamma, fo Filisitinkoolu si a faa.” Sawulu ko Dawuda ye siiñaa fulanjaŋo ko, “I be ke la m bitankewo le ti.”

Jabuuroolu 37:32

Moo jawoo ka tara moo kendoo koroosi kaŋ ne, ka siloo ñini ka a faa.

1 Musa 39:16

Bituŋ a ye Yusufa la dendikoo muta a faŋ bulu, fo a keemaa naata suwo kono.

Esita 3:5

Kabiriŋ Hamani ye a je ko, Moridekayi buka soŋ a fammajii la a ye, wo kuwo naata a kamfaa baake.

Esita 5:13

Bari ñinnu bee buka n wasa, niŋ ŋa Moridekayi Yahuudoo je siiriŋ mansa la koridaa daa to.”

Jabuuroolu 34:22

Yaawe le ka a la dookuulaalu niyo tanka, aduŋ meŋ-wo-meŋ ka i tuuku a la, a te jarabi la.