Jabuuroolu 37:11 - Mandinka Bible

¹¹ Bari fammajiilaalu le be bankoo keetaa la, aduŋ ì be tara la seewooriŋ firiŋo le kono, aniŋ kayira baa.

Jabuuroolu 37:11 ပူးပေါင်းရင်းမြစ်များ

Matiyu 5:5

“Barakoo be moolu ye, mennu ye i fammajii, kaatu ì be duniyaa keetaa la le.

Yesaya 26:3

Ite Yaawe* ka kayira baa dii moolu le la, mennu hakiloo ka tu sabatiriŋ i kaŋ, ì ye ì jikoo loo i kaŋ.

Yankuba 3:13

Jumaa le ye ñaameŋo niŋ fahaamuroo soto alitolu kono? A maarii si a baluuñaa betoo yitandi niŋ a la kebaaroolu la, sooneeyaa kono, meŋ ka soto niŋ ñaameŋo la.

Jabuuroolu 119:165

Moolu mennu ye i la karandiroo kanu, wolu ka tara kayira baa le kono. Feŋ te ì boyindi noo la.

Filipinkoolu 4:7

Wo to le Alla la kayiroo meŋ warata ka tambi hadamadiŋolu la fahaamuroo bee la, a be ali sondomoolu niŋ ali la miiroolu kanta la Kiristu* Yeesu kono le.

Yesaya 48:18

Niŋ ali ye ali hakiloo tu nuŋ n na yaamaroolu to, ali la kayiroo be feenee la le ko baajiyo, tiliŋo ye ke ko baa baliŋo.

1 Timoti 6:11

Bari ite meŋ mu Alla la moo ti, bori ñiŋ kuwolu ma. I si hame tiliŋo la, Alla ñaasilaŋo, lannoo, kanoo, wakiiloo aniŋ mooyaa.

Yankuba 1:21

Wo kamma la, ali fata kuu nooriŋolu bee la, aniŋ kuruŋyaa siifaa bee. Ali soŋ Alla la kumoo ma, sooneeyaa bee kono. Wo mu kumoo le ti, meŋ fiita ali sondomoolu kono, aniŋ meŋ si ali kiisandi noo.

Jabuuroolu 72:7

Allamaa tiliŋo ye wajabi a tiloo la, kayiroo ye siyaa, fo janniŋ karoo la boo be daŋ na.

Jabuuroolu 36:8

Ì ka baluu domori fuumariŋo le la, i ka meŋ dii ka bo i taradulaa to. I la beteyaa baajiimaa le ka woyi, moolu ka i miŋ a la.

Yohana 14:27

“Ŋa kayiroo le tu ali fee, ŋa n na kayiroo dii ali la le. Nte maŋ a dii ali la ko duniyaa ka a dii ñaameŋ. Ali sondomoolu kana toora, sako ali si sila.

5 Musa 5:33

Ali si soŋ ì bee la, ali bula ì nooma fo kuwolu bee si laakuu ali ye, fo ali si siimaayaa bankoo kaŋ, ali be taa kaŋ daameŋ to, ka jee taa.

Jabuuroolu 25:13

Wo maarii faŋo be tu la firiŋo le kono, aduŋ a koomalankoolu le taa be ke la bankoo ti.

Yesaya 57:13

Niŋ i woosiita maakoyiroo la, i la jalaŋ jurumoolu si i tanka. Foñoo le be ì bee samba la, niijii kenseŋo ye ì tindi ka taa. Bari moo meŋ be tuukuriŋ nte la, wo le be bankoo keetaa la, n na konko senuŋo* ye ke a taa ti.”