Jabuuroolu 36:9 - Mandinka Bible

⁹ Ite le mu baluwo diilaa ti, aduŋ i la maloo le ka a saabu ntolu ka maloo je.

Jabuuroolu 36:9 ပူးပေါင်းရင်းမြစ်များ

Yohana 8:12

Yeesu diyaamuta moolu ye kotenke ko, “Nte le mu duniyaa la maloo ti. Moo meŋ ye nte nooma, wo maarii te taama la diboo kono, bari a be maloo le soto la meŋ ka baluwo dii.”

Yohana 4:14

Bari moo meŋ ye i miŋ jiyo la, m be meŋ dii la a la, mindoo nene te wo maarii muta la kotenke. Jiyo, m be meŋ dii la a la, wo be ke la woyoo le ti a kono, meŋ ka woyi ka badaa-badaa baluwo dii.”

1 Yohana 1:7

Bari niŋ ǹ ka taama maloo kono, ko ate be maloo kono ñaameŋ, wo to ŋà kafuñooyaa soto ñoo ye le, aduŋ a Dinkewo Yeesu yeloo ka ǹ seneyandi le ka bo ǹ na junuboo bee la.

Yohana 4:10

Wo to le Yeesu ye a jaabi ko, “Niŋ i ye Alla la sooroo loŋ, aniŋ meŋ ka a fo i ye ko, ‘N so jiyo la, ŋa m miŋ,’ tennuŋ i be a daani la le, aduŋ a be jiyo dii la i la le, meŋ ka baluwo dii.”

Lankenemoo 21:6

Wo koolaa a ko n ye ko, “A timmata le! Nte le mu Alifa niŋ Omeka ti, Foloo niŋ Labaŋo. Mindoo be meŋ na, m be jiyo dii la wo la le ka bo woyoo to, meŋ ka baluwo dii, aduŋ joori te jee.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Yesaya 60:19

“Tiloo te ke la i ye maloo ti kotenke tilibuloo, sako karoo la diyaa si mala i kaŋ suutoo, kaatu nte Yaawe le be ke la i ye badaa-badaa maloo ti, nte i la Alla ye ke i ye fanuñaa ti.

Yuuba 29:3

waatoo meŋ, a la neemoo tarata malariŋ n kaŋ, niŋ diboo dunta, a la maloo le ka n tambindi,

Lankenemoo 21:23

Aduŋ saatewo ñiŋ maŋ suula tiloo waraŋ karoo la maloo la a kono, kaatu Alla la kallankeeyaa le mu a la maloo ti, aduŋ a la lampoo mu Saajiiriŋo le ti.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Yesaya 2:5

Yaakuba koomalankoolu, ali naa ŋà taama Yaawe la maloo kono!

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Yesaya 12:3

Ali be jiyo bii la kiisa koloŋolu kono le, ali niŋ seewoo.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Lankenemoo 22:17

Noora Kuliŋo niŋ maañoo ko, “Naa!” Aduŋ meŋ ye ñiŋ moyi, wo si a fo ko, “Naa!” Mindoo be meŋ na, a si naa, aduŋ moo meŋ hameta, wo si baluwo jiyo taa, joori te meŋ to.

Malaki 4:2

Bari alitolu mennu ye n too kuliyaa, wo luŋo la tiliŋo be bo la ali ye le ko tiloo, a maloo ye ali jaara. Ali si sawuŋ-sawuŋ kontaanoo kamma la ko niŋ i ye ninsiriŋo bula, a be taa daañinoo la.

Jabuuroolu 65:5

Hee Alla, ǹ na kiisoo sababoo, i ka ǹ na duwaalu jaabi le ka bo niŋ kaawakuwolu la, ka ǹ tankandi. Ite le mu duniyaa moolu bee jikiraŋo ti, hani mennu be siiriŋ fankaasoolu daŋo to.