Jabuuroolu 36:8 - Mandinka Bible

⁸ Ì ka baluu domori fuumariŋo le la, i ka meŋ dii ka bo i taradulaa to. I la beteyaa baajiimaa le ka woyi, moolu ka i miŋ a la.

Jabuuroolu 36:8 ပူးပေါင်းရင်းမြစ်များ

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Jabuuroolu 65:4

Seewoo be moo le ye i ye meŋ tomboŋ ka a katandi i la, ka sabati i la luwo to. I Batudulaa Buŋo* kuu kendoolu be ǹ wasa la le, meŋ mu i la buŋ senuŋo neemoo ti.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Jabuuroolu 63:5

N niyo si daañini kendoo ke, aduŋ m be suukuu diimaalu laa la le ka i jayi.

Matiyu 5:6

“Barakoo be moolu ye, mennu konkota aniŋ ì mindoota tiliŋo kamma la, kaatu ì be wasa la le.

Jabuuroolu 46:4

Baa be jee le meŋ ka woyi, ka kontaanoo samba naŋ Alla la saatewo ye, daameŋ to mu Alla Mansa Tallaa faŋo taradulaa senuŋo ti.

Yesaya 48:21

Mindoo maŋ ì muta biriŋ a ye ì ñaatonkayaa keñewuloo* kono, a ye jiyo bondi ì ye beroo kono, a ye beroo fara, jiyo bota naŋ a kono.

Yuuba 20:17

Ì te baluu la ka Alla la neemoo diyaa loŋ, liyo niŋ keekewo dalamaa, meŋ ka bori ko baajiyo.

Yohana 7:37

Juuraloo luŋ labaŋo la, meŋ mu a luŋ baa ti, Yeesu wulita, a sarita santo ko, “Mindoo be meŋ na, a si naa nte kaŋ ka i miŋ.

Yesaya 43:20

Wulakono daafeŋolu ye m buuñaa le, hani kunkuwuloolu niŋ kiikiyaŋolu, bayiri ŋa jiyo ke keñewuloo* kono le, aniŋ dulaa jaariŋolu, ka jiyo dii n na moolu la, ŋa mennu tomboŋ,

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

Jabuuroolu 17:8

N kanta ko moo ka a ñaakesoo kanta ñaameŋ. M maabo i la tankoo dampammaa koto,

Jabuuroolu 31:20

I ka ì sutura le, ì ye tara i fee suturoo kono, ka tanka moolu la kiriikaraa ma. I ka ì muta kuu i sabatidulaa le to, ka ì tankandi neŋ fatiŋolu ma.