Jabuuroolu 36:3 - Mandinka Bible

³ A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

Jabuuroolu 36:3 ပူးပေါင်းရင်းမြစ်များ

Jabuuroolu 55:21

A fokumoolu ka tara laakuuriŋ ne ko feenewo ka deera ñaameŋ, fitinoo le ka tara a sondomoo kono. A la kumoolu ka tara diyaariŋ ne ko tulu seeralaa, bari ì ka sooroo ke le komeŋ hawusaroo*.

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

1 Yohana 2:19

Ì bota ǹ na kafoo le kono, bari ì niŋ m̀ maŋ ke kiliŋ ti. Kaatu niŋ ì niŋ m̀ mu kiliŋ ti, wo to ì be tu la m̀ fee le. Bari ì bota ǹ kono le fo a si koyi ko, ì niŋ m̀ maŋ ke kiliŋ ti.

Hiburunkoolu 10:39

Bari m̀ maŋ ke wo moolu ti, mennu ka badali, ì ye kasaara. Wo noo to, m̀ mu lannamoolu le ti, mennu be tanka la ka duŋ badaa-badaa baluwo kono.

Matiyu 22:35

Bituŋ kiliŋ be ì kono, meŋ mu Luwaa lonnaa ti, a ye Yeesu ñininkaa ka a kotobo,

Sefaniya 1:6

Moo-wo-moo ye a koo dii nte Yaawe la, m be a kasaara la le, aniŋ mennu buka ì daa ke n na kuu to, sako ka n na yaamaroo ñini.”

Jabuuroolu 140:3

Ì neŋolu be le ko saa saŋarariŋo, ì la kumoolu be ko biidaa kunoo. S

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Jabuuroolu 94:8

Alitolu mennu keta moo bee hakilintaŋo ti, ali ali hakilitu. Toolewolu, muŋ tuma le ali be ñaameŋ na?

Jabuuroolu 58:3

Moo kuruŋolu ka fili le biriŋ ì daa luŋo la, ì ka jenke le ka bo luŋo meŋ na ì wuluuta, ka tara faniyaa foo la.

Jabuuroolu 5:9

Kuma buka bo ì daa, moo si laa meŋ na. Kasaaroo doroŋ ne ka tara ì sondomoo to. Ì ka neeneeroo ke ì neŋ kolomoo le la, jamfaa le ka tara sosoriŋ ì kono.

1 Samuweli 26:21

Wo to le Sawulu ko, “Ŋa junuboo le ke. N dinkewo Dawuda, muruŋ naŋ. Kaatu bii i ye n niyo tankandi le, n te kuu kuruŋo ke la i la kotenke. Tooñaa-tooñaa ŋa kuntaŋyaa maañaa le ke, aduŋ a keta m bulu kuu jawu baa le ti.”

1 Samuweli 18:21

A ko a faŋo ye ko, “M be Mikali dii la Dawuda la le. M be ate le taa la ka feeroo siti a kamma, fo Filisitinkoolu si a faa.” Sawulu ko Dawuda ye siiñaa fulanjaŋo ko, “I be ke la m bitankewo le ti.”

1 Samuweli 16:14

Yaawe la Nooroo bota Sawulu bala, bituŋ Yaawe ye noora jawoo meŋ kii, jiita a kaŋ, wo ye a toorandi.

1 Samuweli 15:26

Samuweli ko a ye ko, “N niŋ i te taa ñoo la. I ye Yaawe la yaamaroo tiñaa le, bituŋ a fanaa ye i la Banisirayila mansayaa tiñaa.”

2 Samuweli 22:22

Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

2 Taarika 20:32

Yehosafati bulata a faamaa Asa sinnoo le nooma, a maŋ jenke. A ye kuu kendoo le baara Yaawe ñaa koto.

Kuma Kotoomaalu 4:16

Kaatu ì buka siinoo noo, fo niŋ ì ye kuu kuruŋo ke. Siinoo ka ì korindi le, bari fo ì ye moo toorandi foloo.

Hoseya 8:3

Bari ì ye ì koo dii kuu kendoo la. Wo to, ì jawoolu be ì bayindi la le.

Luka 11:25

Aduŋ niŋ a naata, a si a tara fitariŋ, aniŋ a be temberiŋ fanaa.