Jabuuroolu 34:8 - Mandinka Bible

⁸ Moo-wo-moo si a juubee a faŋ ye Yaawe beteyaata ñaameŋ. Seewoo be moo le ye meŋ ka i tuuku a la.

Jabuuroolu 34:8 ပူးပေါင်းရင်းမြစ်များ

Jabuuroolu 119:103

I la kumoolu diyaata nte ye le famfaŋ. Itolu le diyaata ka tambi liyo la.

Yeremiya 31:14

M be piriisoolu* niyo balundi la niŋ domori kendoo le la, aduŋ n na beteyaa be n na moolu wasa la le.” Yaawe le ye a fo.

Jabuuroolu 63:5

N niyo si daañini kendoo ke, aduŋ m be suukuu diimaalu laa la le ka i jayi.

Jabuuroolu 84:12

Yaawe Alihawaa Maariyo, barakoo be moo le ye, meŋ dankeneyaata i la.

Jakariya 9:17

A si ke kuu bete ti, aniŋ kuu ñiimaa. Bankoo siimaŋo niŋ a wayini* kutoo, si a fondinkewolu bambandi, a ye ì yiriwandi.

Jabuuroolu 36:7

I la kanu bambaloo tinewo warata le. Hadamadiŋolu ka tankoo ñini ite le dampaŋo koto, moo baa, moondiŋ.

Jabuuroolu 36:10

Dukaree, tu i la kanu bambaloo kaŋ moolu ye mennu ye ite loŋ, aduŋ i si neema moolu ma tiliŋo be mennu sondomoo kono.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Suukuwo 2:3

Ko pomu suŋo, wuloo yiroolu teema, n jusukuŋo be kewolu kono wo le ñaama. N niŋ seewoo le ka sii a dubeŋo koto, a diŋo ka timiyaa n kaŋo kono.

Jabuuroolu 52:1

Ite jarintewo, muŋ ne ye a tinna i ka i faŋ wara kuu jawoolu kaŋ, a ye a tara Alla la kanu bambaloo be nte le fee luŋ-wo-luŋ?

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”

Daniyeli 3:28

Bituŋ Mansa kumata ko, “Jayiroo be Sadiraki, Mesaki, aniŋ Abedineko la Alla ye, meŋ ye a la malaayikoo kii ka a la dookuulaalu tankandi, mennu laata a la, aduŋ ì ka a batu. Ì ye nte Mansa la kaŋo soosoo le, aduŋ ì ye ì niyolu laa le. Wo le fisiyaata ì ye ñiŋ ti, ka batufeŋ koteŋ batu, meŋ maŋ ke ì la Alla ti.