Jabuuroolu 34:4 - Mandinka Bible

⁴ N duwaata ka Yaawe daani, aduŋ a ye n jaabi le, ka m bondi n na dewuŋ kuwolu bee kono.

Jabuuroolu 34:4 ပူးပေါင်းရင်းမြစ်များ

Jabuuroolu 18:6

N na niikuyaa kaŋ, ŋa Yaawe kumandi, ŋa n na Alla kumandi ka m maakoyi. Ka bo naŋ a batudulaa to, a ye n kaŋo moyi, a tuloo ye n kumboo kaŋo moyi le.

Matiyu 7:7

“Ali daaniroo ke, aduŋ a be dii la ali la le. Ali ñinindiroo ke, aduŋ ali be a je la le. Ali konkondiroo ke, aduŋ bundaa be yele la ali ye le.

Jabuuroolu 56:3

Niŋ n silata, n ka n jikoo sembe ite le la.

2 Timoti 1:7

kaatu a maŋ ke jooteeyaa nooroo ti, Alla ye meŋ dii ǹ na, bari semboo, kanoo aniŋ faŋ mutoo nooroo.

Yunusa 2:2

A ko: “N na bataa kaŋ ŋa ite Yaawe kumandi le, aduŋ i ye n danku le. Ka bo kaburu dinkoolu to, ŋa i la maakoyiroo daani, aduŋ i ye n kalamuta le.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Jabuuroolu 31:22

N na jaakaloo kono, ŋa a miira le ko, n wafatita i ñaa koto le. Bari i ye n kumboo kaŋo moyi le, kabiriŋ ŋa i daani ka balafaa n ye.

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

Luka 11:9

“Wo kamma la, m be a fo la ali ye, ali daaniroo ke, aduŋ a be dii la ali la le. Ali ñinindiroo ke, aduŋ ali be a je la le. Ali konkondiroo ke, aduŋ bundaa be yele la ali ye le.

Jabuuroolu 22:24

A buka jutu moo bataariŋolu la sako ka ñewuŋ ì la, ì la bataa kono, bari a ka ì jaabi le niŋ ì woosiita a ye maakoyiroo la.

Jabuuroolu 46:2

Ǹ te sila la hani niŋ bankoo jarajarata, konkoolu ye boyi baa baa kono,

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

1 Samuweli 27:1

Dawuda ko a faŋo ye ko, “Luŋ ne be soto la luŋolu kono, Sawulu be m faa la. N ñanta meŋ ke la, wo le mu ka bori Filisitinkoolu la bankoo kaŋ. Niŋ ŋa wo ke, Sawulu be i foño la le ka n ñini Banisirayila bankoo bee kaŋ, aduŋ m be kana la a ma le.”

Jabuuroolu 35:27

Allamaa mennu ye boloo ŋaniya n ye, wolu ye wuuri seewoo niŋ jusulaa kono, ì ye tara a fo la ko, “Yaawe warata le, ate meŋ ka kontaani nte la kayiroo la, a la dookuulaa.”

Jabuuroolu 40:17

Maariyo, nte korita le, aduŋ m mu fentaŋo le ti, bari i ye n hati le. Ite le mu m maakoyilaa ti, aniŋ n kiisalaa. Hee n na Alla, kana mee ka m maakoyi.