Jabuuroolu 31:3 - Mandinka Bible

³ Bayiri i mu n ye semberaŋ beroo niŋ tatoo le ti, n kenkeŋ, i ye n kanta, i too kamma la.

Jabuuroolu 31:3 ပူးပေါင်းရင်းမြစ်များ

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

Jabuuroolu 79:9

Hee Alla, ǹ na kiisoo sababoo, m̀ maakoyi, fo i too si horoma. Ǹ kiisa, i ye yamfa ǹ na junuboolu la, i too la kuwo kamma la.

Yohana 16:13

Bari niŋ Tooñaa Nooroo naata, a be ali samba la tooñaa bee kono le, kaatu a te diyaamu la a fansuŋ kaŋo kaŋ, bari a ye kumoolu mennu moyi, a be wolu le fo la. Aduŋ a be kuwolu bankee la ali ye le, mennu ka naa.

Yeremiya 14:7

Yahuuda moolu ko, “Ǹ na junuboolu ye jalayiroo laa ǹ kaŋ ñaa-wo-ñaa, Yaawe, kuu ke i too la kuwo kamma la. Ŋà ǹ koo dii i la le siiñaa jamaa, aduŋ ŋà junube kuwo le ke i la.

Yesaya 49:10

Ì te konko la, waraŋ mindoo ye ì muta, sako tiloo si i kandi waraŋ keñewuloo* foñoo si ì mantoora. Nte Alla meŋ ka balafaa soto ì ye, be ì ñaatonkayaa la le, ka ì samba woyoolu to.

Jabuuroolu 139:24

A juubee fo kuu jawu si tara n kono, aduŋ i si n kanda siloo kaŋ, meŋ be labaŋ na fo abadaa.

Jabuuroolu 43:3

I la maloo niŋ i la tooñaa yitandi n na, ka tambi n ñaato, ì ye n samba i la konko senuŋo* to, i sabatidulaa be daameŋ.

Jabuuroolu 25:11

Yaawe, i too kamma la yamfa n na kuu jawoolu la, ì siyaata le.

Jabuuroolu 25:5

N kanda i la tooñaa kono, i ye n karandi, kaatu ite le mu Alla ti meŋ ka n kiisa. N jikoo ka tu semberiŋ ite le la luŋ-wo-luŋ.

Nehemiya 9:12

I ka tawali samasimmaa le tambindi ì ñaato tiloo la, aniŋ dimbaa samasimmaa suutoo la, ka maloo dii ì la ì taaraŋ siloo kaŋ.

Jabuuroolu 25:9

A ka fammajiilaalu kanda tiliŋo le kono, aduŋ a ka ì karandi a la siloo la le.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Nehemiya 9:19

“Ite balafaa warata le, i maŋ i koo dii ì la keñewuloo* kono. Tawali samasimmaa le tuta tambi la ì ñaato tiloo la, dimbaa samasimmaa ye ì dandaŋ suutoo la, ka maloo dii ì la ì taaraŋ siloo kaŋ.

Yosuwa 7:9

Niŋ Kanaaninkoolu niŋ moo koteŋolu mennu be bankoo kaŋ, ye ñiŋ moyi, ì be naa ñapi la ǹ kaŋ ne, ì ye ǹ toolu buruka duniyaa kono. I be muŋ ne ke la, fo i too la waroo si loŋ?”

Efesusinkoolu 1:12

Ntolu mennu foloo ye ǹ jikoo loo Kiristu kaŋ, si a jayi a la semboo niŋ waroo kaŋ.

Jabuuroolu 71:3

Ke n ye semberaŋ beroo ti, aniŋ tata bambandiŋo, ka n kiisa, kaatu ite le mu n na tuukuraŋo ti, aniŋ n na tatoo.

Jabuuroolu 102:3

N na baluwo be yeemaŋ kaŋ ne ko siisiyo, n kuloolu kono ka n teyi ko dimbaa.

Jabuuroolu 116:2

Bayiri a ye a tuloo loo n na le, wo to luŋ-wo-luŋ m be kali a kumandi la le, niŋ m be n niyo la.