Jabuuroolu 3:5 - Mandinka Bible

⁵ N ka n laa le ŋa siinoo, ŋa wuli kotenke, kaatu Yaawe le ka n kanta.

Jabuuroolu 3:5 ပူးပေါင်းရင်းမြစ်များ

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Jabuuroolu 34:5

Niŋ ali ye ali ñaa loo ate kaŋ, ali be jusulaa la le, aduŋ ali te bula la maloo kono.

Jabuuroolu 4:8

M be n laa la le dek, ŋa siinoo kayira kono, kaatu ite Yaawe doroŋ ne ka n sabatindi tankoo kono.

Jabuuroolu 66:9

Ate le ye ntolu niyolu tankandi ka tara baluwo to, aduŋ a maŋ soŋ n siŋo ye bo n koto.

Kuma Kotoomaalu 14:26

Moo meŋ silata Yaawe la, wo ye tankaraŋ tatoo le soto, aduŋ a be ke la a diŋolu ye tankaraŋo le ti.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Kuma Kotoomaalu 3:24

Suutoo niŋ i be laariŋ, i te sila la, aduŋ i si siinoo diyaariŋo soto.

Yesaya 26:3

Ite Yaawe* ka kayira baa dii moolu le la, mennu hakiloo ka tu sabatiriŋ i kaŋ, ì ye ì jikoo loo i kaŋ.

3 Musa 26:6

M be kayiroo dii la ali la ali la bankoo kaŋ ne, aduŋ ali be kali i laa la le, ali ye siinoo, moo te ali silandi la. M be daafeŋ saŋaroolu bondi la bankoo kaŋ ne, aduŋ m be ali jawoolu niŋ ì la hawusaroolu* kaarindi la ali la bankoo la le.

Kiilaalu 12:6

Suutoo meŋ na, Herodi lafita a fintindi la kiitiyo to, Pita tarata siinoo la, a be sitiriŋ neejolo fula le la kelediŋ fula teema. Aduŋ kantarilaalu fanaa tarata koroosiroo la bunjawoo daa to le.