Jabuuroolu 28:8 - Mandinka Bible

⁸ Yaawe le mu a la moolu semboo ti, aduŋ a mu tuukuraŋo niŋ tankadulaa le ti a la tomboŋ moo ye.

Jabuuroolu 28:8 ပူးပေါင်းရင်းမြစ်များ

Jabuuroolu 20:6

Silaŋ ŋa a loŋ ne ko, Yaawe be a la tomboŋ mansa maakoyi la le. A be a jaabi la le ka bo a la Arijana senuŋo kono, ka a jawoolu noo a ye baake, ka bo niŋ a sembe baa la.

Jabuuroolu 140:7

Yaawe, m Maariyo, n na kiisandirilaa sembemaa, ite le ye n tankandi kele luŋo kono.

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

1 Samuweli 16:13

Bituŋ Samuweli ye binoo sika, a ye tuloo boŋ a kuŋo to a kotoolu ñaa la. Ka bo wo luŋo la, Yaawe la Nooroo jiita Dawuda kaŋ niŋ semboo la. Bituŋ Samuweli taata Rama.

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

Jabuuroolu 20:7

Doolu ka tara jikiriŋ keleraŋ sareetoolu* le la, doolu, suwoolu, bari ntolu ka tara jikiriŋ Yaawe, m̀ Maarii Alla too le la.