Jabuuroolu 28:5 - Mandinka Bible

⁵ Bayiri ì maŋ ite Yaawe la keroo muta feŋ ti, waraŋ i ye meŋ daa, i be ì tumbuŋ na le, aduŋ i te ì wulindi la kotenke.

Jabuuroolu 28:5 ပူးပေါင်းရင်းမြစ်များ

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Yohana 12:37

Yeesu ye taamanseeri jamaa ke ì ñaa la, bari hani wo, ì maŋ laa a la.

Jabuuroolu 10:5

A ka firiŋo soto a baluuñaa bee le to, a la jeroo buka futa Alla la kiitiyo ma. A ka a jawoolu bee ñaawali le.

2 Samuweli 7:13

Ate le be ke la moo ti, meŋ be buŋo loo la n too la kuwo kamma la, aduŋ m be a ke la a la mansayaa ye tu fo abadaa.

Roomankoolu 1:20

Alla meŋ faŋo buka je noo, a la badaa-badaa semboo niŋ a la mankutoo jeta koyirinke le ka bo daaroo waatoo la feŋolu to, a ye mennu daa. Wo to ì te kanadaa soto la,

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.

Yesaya 45:18

Yaawe le ye saŋ fatoolu daa. Ate dammaa le mu Alla ti. A ye duniyaa daa, a ye muluŋo ke a la, a ye a londi kuu. A maŋ a tu kenseŋyaariŋ, bari a ye a ke moolu ye sabatidulaa le ti. Ate le ko, “Nte mu Yaawe le ti, aduŋ alla koteŋ te jee.

Yesaya 45:12

Nte le ye duniyaa daa, ŋa hadamadiŋo naati a kono. M faŋo buloo le ye saŋ fatoolu waree, ŋa malafeŋolu ke ì la palaasoolu to.

Yesaya 45:8

“Alitolu saŋ fatoolu ali tiliŋo samaamaa jindi naŋ, tawaloo ye a naati tariyaake. Bankoo ye yele fo kiisoo si finti naŋ, tiliŋo ye bula a nooma. Nte Yaawe le ye ì daa.”

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Yesaya 22:11

Ali ye jii maabodulaa doo dadaa saatewo tata sansaŋ fuloo teema, ka jiyo ke jee meŋ bota Dala Kotoo to. Bari Alla meŋ ye ñiŋ laa ali kaŋ, ali maŋ wo la kuwo hakilitu, waraŋ ali hakiloo si bula a la, meŋ ye ñiŋ kuwo feere waati jaŋ koomanto.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

1 Mansoolu 11:38

Niŋ i ye i lamoyi n na yaamaroolu bee la, aniŋ niŋ i taamata n na siloolu la, aduŋ i ye kuu tilindiŋo baara n ñaa koto, ka n na luwaalu niŋ yaamaroolu muta ko n na dookuulaa Dawuda ye a ke ñaameŋ, wo to m be tara la i fee le. M be mansayaa buŋo loo la i ye le meŋ be mee la komeŋ ŋa meŋ loo Dawuda ye, aduŋ m be Banisirayila dii la i la le.

2 Samuweli 7:27

Hee Yaawe Alihawaa Maariyo, Banisirayilankoolu la Alla, i ye ñiŋ lankenemayandi nte i la dookuulaa ye le, ka a fo ko, ‘M be i la mansayaa buŋo loo la le.’ Nte i la dookuulaa ye hamoo soto le, ka ñiŋ duwaa dii i la.

4 Musa 23:23

Batuutaayaa te ke noo la Yaakuba kamma, bitaari te ke noo la Banisirayila la kuwo to. A be fo la ì la kuwo to le ko, ‘Ali a juubee Alla ye meŋ ke.’

Jabuuroolu 8:3

Niŋ ŋa i la saŋ fatoolu la kuwo miira, i buloo la daaroo, karoo aniŋ looloolu, i ye mennu londi,