Jabuuroolu 28:3 - Mandinka Bible

³ Kana n niŋ moo kuruŋolu koora ñoo la, kuu jawu kelaalu, mennu ka kayiroo fo ì daa la ì siiñoolu ye, wo tumoo konnanteeyaa be ì sondomoolu kono.

Jabuuroolu 28:3 ပူးပေါင်းရင်းမြစ်များ

Jabuuroolu 55:21

A fokumoolu ka tara laakuuriŋ ne ko feenewo ka deera ñaameŋ, fitinoo le ka tara a sondomoo kono. A la kumoolu ka tara diyaariŋ ne ko tulu seeralaa, bari ì ka sooroo ke le komeŋ hawusaroo*.

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Jabuuroolu 26:9

Kana n niŋ junubelaalu kasaara ñoo la, waraŋ ka n niŋ moofaalaalu niyo taa ñoo la.

Mika 3:5

Annabiyomoo doolu le sotota, mennu ye n na moolu filindi. Niŋ ì be feŋ soto kaŋ meŋ bulu, ì ka kayiroo le laahidi wo ye, bari ì be foo la feŋ na a bulu doroŋ, ì be keloo wulindi la a kamma. Yaawe ye ñiŋ ne fo ñiŋ annabiyomoolu ye ko:

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Jabuuroolu 62:4

Ì be pareeriŋ ne doroŋ ka a bondi a la dulaa buuñaariŋ baa to. Faniyaa le ka ì kontaani. Ì ka kuu kendoo duwaa ì daa le la, bari ì ka dankaroo ke ì sondomoo kono. S

Jabuuroolu 36:4

A ka kuruŋyaa feeroolu le siti hani niŋ a be laariŋ laaraŋo kaŋ. Kuu jawu kewo le mu a la muraadoo ti. A maŋ i baŋ kuu jawu to.

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.

Jabuuroolu 7:14

A juubee, moo kuruŋo ka kuu jawoo le fudi. A ka tara konomaariŋ feere kuruŋo doroŋ ne la, a ye naa jamfaa kuwo wuluu.

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Jabuuroolu 52:1

Ite jarintewo, muŋ ne ye a tinna i ka i faŋ wara kuu jawoolu kaŋ, a ye a tara Alla la kanu bambaloo be nte le fee luŋ-wo-luŋ?

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

4 Musa 16:26

A ye jamaa moolu dandalaa ko, “Ali bo ñiŋ kee kuruŋolu la tiriliisoolu to! Ali buloo kana maa hani ì la feŋ kiliŋ na. Niŋ wo nte, ali niŋ ì bee si koora ñoo la, ì la junube kuwolu kamma la.”

Jabuuroolu 141:4

N sondomoo kaarindi kuu jawoo ma, n kana m faŋ duŋ kuu jawu kewo to, ka bo niŋ moolu kafuñooyaa la, mennu ka junuboo ke. N tanka ñiŋ ma ka kafu ì ma ì la bidaŋ domoroolu to.