Jabuuroolu 28:2 - Mandinka Bible

² I lamoyi n kumboo kaŋo la, niŋ m be maakoyiri ñiniŋo la, niŋ ŋa m buloolu wulindi ka duwaa i la buŋ senuŋ baa ñaatiliŋo la.

Jabuuroolu 28:2 ပူးပေါင်းရင်းမြစ်များ

Jabuuroolu 138:2

M be sujudi la i la buŋ senuŋo ñaatiliŋo la le, m be i tentu la i too la le, i la kanu bambaloo niŋ i la tiliŋo kamma la. Kaatu i ye i too niŋ i la laahidoo le kuliyandi ka tambi feŋo bee la.

Jabuuroolu 141:2

N na duwaa muta, a ye ke i fee ko cuuraayi siisii diimaa, aniŋ ŋa m buloo meŋ wulindi ka duwaa, i ye a muta n ye wulaara sadaa ti.

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

Jabuuroolu 140:6

Yaawe, n ko ite le mu n na Alla ti. Hee Yaawe, i lamoyi n na duwaa la, m be maakoyiri ñiniŋo le la.

Jabuuroolu 134:2

Ali ali buloolu wulindi dulaa senuŋo to ka duwaa, aniŋ ka Yaawe tentu.

Jabuuroolu 5:7

Bari ka bo niŋ i la kanu bambaloo la, nte be duŋ na i la buŋo kono le, m be sujudi la i la buŋ senuŋo ñaatiliŋo la le, ka i kuliyaa.

Daniyeli 6:10

Daniyeli ye a loŋ ne ko, luwaa kayitoo ñiŋ tamputa le, bari wo ñaa-wo-ñaa, a ka taa a la buŋo kono le, a ye sujudi ka duwaa, ka a la Alla daani, aniŋ ka a tentu siiñaa saba luŋ-wo-luŋ, ko a dalita a ke la ñaameŋ. A ka a ke a la buŋ santonkoo le kono, meŋ palanteeroolu be tilindiŋ Yerusalaamu la.

Niikuyaa Suukuwolu 2:19

Suutoo la, suutoo tuma-wo-tuma la, wuli, i ye kumboo santo! I sondomoo kono kuwolu yelema ko jiyo Maariyo ñaatiliŋo la. I buloolu wulindi a ye ka duwaa, i diŋolu niyo ye, mennu ka ketu konkoo la, mbeedi kuŋolu kaŋ taariŋ.

Jabuuroolu 143:6

Ŋa m buloolu wulindi i ye le ka duwaa. N niyo suulata i la le, komeŋ niŋ jaa lookuta, banku jaaroo ka suula jiyo la ñaameŋ. S

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Jabuuroolu 63:4

M be i tentu la le, niŋ m be baluwo to. M be m buloolu wulindi la i ye le ka duwaa.

2 Taarika 6:13

Sulemani ye jaawali benteŋo dadaa le nuŋ koomanto, meŋ na kara jamfoo mu nonkonkatiñaa luulu ti, a fanoo fanaa mu nonkonkatiñaa luulu le ti, a loo mu nonkonkatiñaa saba ti, a ye a loo luwo teema. Sulemani loota wo le kaŋ, bituŋ a ñoyita Banisirayila jamaa bee ñaatiliŋo la, a ye a buloolu wulindi.

1 Mansoolu 8:38

Niŋ i la moolu Banisirayilankoolu bee waraŋ moo kiliŋ ye i daani ka balafaa a ye, i si i lamoyi. Niŋ a maarii ye a buloo wulindi ka a tiliŋ buŋo la, ka duwaa kaatu a ye a la bataa kuwo kalamuta le, aniŋ a la tooroo,

1 Mansoolu 6:19

A ye buŋo Dulaa Senuŋ Baa ñiŋ parendi Alla Batudulaa Buŋo kono ka Yaawe la Kambeŋ Kunewo* londi jee.

1 Mansoolu 6:5

Aduŋ fanaa a ye karala bunjaŋo loo ka a coki buŋo konobaa ñiŋ baloo dandaŋo la, aniŋ konoto buŋ senuŋo.

Jabuuroolu 130:2

Maariyo, n na kumandiroo moyi, i lamoyi n na daaniroo la, i ye balafaa n ye.

Jabuuroolu 141:1

Hee Yaawe*, n ka ite le kumandi, naa m maakoyi katabake. I lamoyi n na, niŋ ŋa i kumandi.

Daniyeli 6:11

Bituŋ Daniyeli jawoolu kambendiŋo naata, ì ye a tara a be duwaa kaŋ, ka Alla daani maakoyiroo la.