Jabuuroolu 28:1 - Mandinka Bible

¹ Hee Yaawe*, n ka ite le kumandi, n semberaŋ beroo, kana i tulu faa m ma, kaatu niŋ i maŋ i danku m ma, m be ke la le ko moolu mennu taata saayaa dinkoo kono.

Jabuuroolu 28:1 ပူးပေါင်းရင်းမြစ်များ

Jabuuroolu 143:7

Hee Yaawe, n jaabi katabake, n jikilateyita le. Kana i ñaa faa m ma, niŋ wo nte n si taa laakira.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Kuma Kotoomaalu 1:12

ŋà ì kende kunuŋ, ŋà ì saareŋ, ŋà ì bumburuŋo ke kaburoo kono.

Jabuuroolu 83:1

Hee Alla, kana tu deyiriŋ. Hee Alla, kana tu tenkundiŋ ka i deyi.

Lankenemoo 20:3

a ye a fayi dinka dambaloo kono, fo sanji wuli kiliŋ, a ye a bitindaŋo soroŋ, aduŋ a ye a noto, fo a kana siloo soto ka nasiyoŋolu neenee kotenke. A te bo la jee to, fo niŋ wo sanji wuli kiliŋo tambita. Wo koolaa, a ñanta bula la le fo waatindiŋ.

Yesaya 26:4

Ali ali jikoo sembe Yaawe la fo fawu, kaatu Yaawe le mu ǹ na Alla ti, ǹ na badaa-badaa semberaŋ beroo.

Yuuba 33:28

Alla ye n tanka le ka duŋ kaburu dinkoo kono, m be baluwo to le hani saayiŋ.”

Yesaya 38:18

Moolu mennu be kaburoo kono, te i jayi la noo, moo te i tentu noo la saayaa kono, kaburukononkoolu te ì jikoo loo noo la i la tiliŋo kaŋ.

Jabuuroolu 35:22

Hee Yaawe, ite ye ñiŋ je le. Kana tu deyiriŋ. Hee Maariyo, kana jamfa n na.

Jabuuroolu 30:9

“I be muŋ ne soto la nte la saayaa to? Nte la taa dinkoo kono, nafaa le be ite ye wo to baŋ? Fo bankumunkoo be i tentu la le baŋ? Fo a be i la beteyaa bambaloo fo noo la le baŋ?

Jabuuroolu 22:2

Hee n na Alla, n woosiita i ye le tiloo ñaa la, bari i maŋ n jaabi, aniŋ suutoo la, bari m maŋ dahaa soto.

Jabuuroolu 3:4

Ŋa n kaŋo sikandi le ka woosii Yaawe ye, aduŋ a ye n jaabi le ka bo a la konko senuŋo* to. S

Jabuuroolu 77:1

Ŋa n kaŋo bula le ka kumboo Alla ye, n wuurita fo a si i lamoyi n na.

Jabuuroolu 69:15

Kana jiibaliŋolu bula ì ye sele n kaŋ, waraŋ diinoŋo ye n kunuŋ, waraŋ kaburoo ye tawuŋ m fee.

Jabuuroolu 5:2

N kumboo kaŋo moyi maakoyiri ñiniŋo la, n na Mansoo aniŋ n na Alla. Hee Yaawe, n ka ite le daani,

Jabuuroolu 142:1

Ŋa n kaŋo bula le ka kumboo Yaawe* ye. Ŋa n kaŋo bula le ka a daani.

Jabuuroolu 39:12

“Hee Yaawe, n na duwaa moyi, i ye i lamoyi n na kumboo la, kana i ñaa kaasi n na ñaajii boŋo la, kaatu nte be i ye baluwo to le ko tumarankewo, m mu luntaŋ tambilaa le ti ko m mumuñolu.

Jabuuroolu 42:9

Ate Alla meŋ mu n na semberaŋ beroo ti, n ka a fo a ye le ko, “Muŋ ne ye a tinna i ñinata n na? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?”

Jabuuroolu 30:4

Ali suukuwo laa Yaawe ye, alitolu mennu mu a la moolu ti. Ali i miira a ye meŋ ke, ka a tentu a too la kuliyaa kaŋ.

Jabuuroolu 142:2

Ŋa n na kuwo bee laa a ñaa koto le, ka n na mantooroolu fo a ye.