Jabuuroolu 27:9 - Mandinka Bible

⁹ Kana i ñaa kaasi n na. Kana kamfaa, i ye nte i la dookuulaa bayi. Ite le mu m maakoyilaa ti. Hee Alla, n tankandilaa, kana m bula, aduŋ i kana i koo dii n na.

Jabuuroolu 27:9 ပူးပေါင်းရင်းမြစ်များ

Jabuuroolu 69:17

Nte mu i la dookuulaa le ti, kana i faŋ maabo m ma. Nte be mantoora baa le kono, n jaabi katabake.

Jabuuroolu 143:7

Hee Yaawe, n jaabi katabake, n jikilateyita le. Kana i ñaa faa m ma, niŋ wo nte n si taa laakira.

Jabuuroolu 102:2

Kana i ñaa kaasi n na, n na mantooroo waatoo la. I lamoyi n na, i ye tariyaa ka n jaabi, niŋ ŋa i kumandi.

Hiburunkoolu 13:5

Ali si fata kodilandiyaa la ali la baluwo kono, ali ye wasa feŋo to, ali ye meŋ soto. Kaatu Alla la kumoo be safeeriŋ ne ko: “N nene te bo la i koto, sako n si i bula i faŋ ye.”

Yeremiya 32:40

M be badaa-badaa kambeŋo le siti la n niŋ ì teema ko: N nene te m foño la kuu kendoo ke la ì ye, aduŋ m be n ñaasilaŋo dundi la ì sondomoolu kono le, ñiŋ kamma ì kana jenke n na karoo la kotenke.

Jabuuroolu 24:5

A be neemoo soto la Yaawe bulu le. Alla le be boloo dii la a la, aniŋ kiisoo.

Jabuuroolu 119:121

Nte baarata tiliŋo niŋ tooñaa le la, kana n tu n tooralaalu bulu.

Jabuuroolu 88:1

Hee Yaawe* Alla, n na kiisandirilaa, n ka kumboo i ye le suutoo niŋ tiloo.

Jabuuroolu 51:11

Kana m bayi i ñaatiliŋo la, aduŋ i kana i la Noora Kuliŋo bondi n kono.

Jabuuroolu 44:24

Muŋ ne ye a tinna i ye i faŋ maabo m̀ ma? Muŋ ne ye a tinna i ñinata ǹ na bataa niŋ mantooroo la?

Jabuuroolu 13:1

Hee Yaawe*, janniŋ muŋ tuma? Fo i be ñina la nte la le fo fawu? Janniŋ muŋ tuma le i be i ñaa faa la nte ma?

1 Samuweli 7:12

Bituŋ Samuweli ye beroo taa, a ye a ke Misipa niŋ Seni teema. A ye a toolaa Ebenesa la, ka a fo ko, “Yaawe ye m̀ maakoyi ñiŋ siloo bee le kaŋ.”

Yesaya 50:1

Yaawe* ye ñiŋ ne fo ko: “Futuubaŋ kayitoo lee, ŋa ali baamaa niŋ meŋ bula? Fo ŋa juloo le taa moo bulu, n ñanta ali waafi la meŋ yaa, ka n na juloo joo? Ali la junuboo le ye a tinna ŋa ali waafi, ali la boyidaalu ye a tinna ŋa ali baamaa bayi.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

Yesaya 59:2

Bari ali la junuboolu le ye a tinna, kalee baa be ali niŋ ali la Alla teema, ali la kuu jawu kewo le ye a saabu, a ye a koo dii ali la, fo a buka i lamoyi ali la.

Jabuuroolu 69:18

Kata n na, i ye m bondi, i ye m firiŋ n jawoolu bulu.

Jabuuroolu 102:3

N na baluwo be yeemaŋ kaŋ ne ko siisiyo, n kuloolu kono ka n teyi ko dimbaa.