Jabuuroolu 27:6 - Mandinka Bible

⁶ M be n kutu la n jawoolu la le, mennu ye m murubeŋ, aduŋ m be sadaalu* bo la a batudulaa to le, n niŋ wuuroo, seewoo kamma la. M be suukuwolu laa la le ka Yaawe la waroo fo.

Jabuuroolu 27:6 ပူးပေါင်းရင်းမြစ်များ

Jabuuroolu 3:3

Bari ite Yaawe mu n ye tankaraŋ koteeroo* le ti, ite le mu n na horomoo sababoo ti, aniŋ meŋ ka n kuŋo bo jirandiŋ.

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Jabuuroolu 107:22

Ì ñanta tenturulaŋ sadaalu* bondi la a ye le, aniŋ ka suukuwolu laa niŋ seewoo la, ka a fo a ye kuwolu mennu ke.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

2 Samuweli 22:49

I ka m bondi n jawoolu bulu, i ye n ke n jawoolu bee ñaato. Fitina moolu la karoo la, i ye n tankandi le.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Lankenemoo 5:9

Bituŋ ì ye suukuu kutoo laa ko: “Ite le jarita ka kitaabu moromororiŋo taa, aniŋ ka a notoolu teyi. Kaatu ite le kanateyita, i ye moolu kumakaa Alla ye. Ite le yeloo keta kumakaaraŋo ti moolu bee ye, ka bo siyolu bee kono, kaŋolu, bankoolu, aniŋ nasiyoŋolu bee.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

Jabuuroolu 95:1

Ali naa ŋà suukuwo laa Yaawe* ye, ali ŋà suukuu a ye ǹ kaŋo bee la, seewoo kamma la. Yaawe le mu konko bere baa ti, ǹ na tankadulaa, meŋ ka ǹ tankandi.

2 Samuweli 7:9

I taata daa-wo-daa, n tarata i fee le. Ŋa i jawoolu bee kasaara le. Aduŋ fanaa m be i too warandi la le, komeŋ moo koteŋolu, mennu toolu bota duniyaa kono.

Yeremiya 31:7

Yaawe ye ñiŋ ne fo ko: “Ali seewooriŋo ye suukuwo laa Yaakuba ye, ali wuuri banku koteŋolu bee ñaatonkoo Banisirayila ye. Ali a kankulaa, ali ye jayiroo ke, ka a fo ko, ‘Hee Yaawe, i ye i la moolu kiisa le, Banisirayila toomaalu.’

Jabuuroolu 138:5

Ì be suukuwo laa la le ñiŋ kamma i ye kuwolu mennu ke, aniŋ i la horomoo la waroo kamma la.

Jabuuroolu 110:7

Mansa be i miŋ na woyoo to le, meŋ be sila daala. Wo to le a be a kuŋo wulindi la, ka a la nooroo yitandi.

Jabuuroolu 81:1

Ali suukuwo laa Alla ye santo, ǹ na semboo ka bo ate le bulu. Ali wuuri seewoo kono ka Yaakuba la Alla jayi.

Jabuuroolu 47:1

Duniyaa moolu, ali buloo kosi ka ali la seewoo yitandi. Ali Alla jayi kendeke.

Jabuuroolu 21:13

Yaawe, jayiroo be i ye i la bambaŋo kaŋ. M̀ be suukuwo laa la le ka i jayi i semboo kaŋ.

Jabuuroolu 21:1

Hee Yaawe*, mansa jusulaata le, kaatu i ye a bambandi le, a seewoota baake le i la maakoyiroo kaŋ, ka a jawoolu noo.

1 Taarika 22:18

A ko ì ye ko, “Yaawe ali la Alla be ali fee le, aduŋ a ye kayiroo dii ali la le karoo bee la. A ye m bula le, ka ñiŋ moolu mennu be sabatiriŋ nuŋ ñiŋ bankoo kaŋ, noo keloo to, aduŋ bankoo ñiŋ be Yaawe niŋ a la moolu la maroo le to.

2 Mansoolu 25:27

Yahuuda mansa Yehoyahini tarata mutoo kono Babiloni bankoo kaŋ ne fo sanji taŋ saba niŋ woorowula. Saŋo kari taŋ niŋ fulanjaŋo tili muwaŋ niŋ woorowulanjaŋo la, Babiloni mansa Ewili-Merodaki ye balafaa yitandi Yehoyahini la, a ye a bondi bunjawoo to. Wo saŋo faŋo le mu Ewili-Merodaki keta mansa ti.

2 Samuweli 22:1

Dawuda ye ñiŋ suukuwo laa Yaawe* le ye, kabiriŋ Yaawe ye a tankandi a jawoolu bee buloo kono, aniŋ Sawulu bulu.

1 Musa 40:13

Tili saba ñaato, Firawoona be i bula la ka bo bunjawoo kono, a ye i murundi i la dookuwo la. I be Firawoona la mindaŋo duŋ na a bulu, ko i dalita a ke la ñaameŋ, kabiriŋ i tarata a ye nuŋ wayini samboo la.

1 Musa 40:20

Tili saba ñaato, wo luŋ keta Firawoona la wuluu luŋ juuroo le ti. A ye feetoo kumandi a la mansakundaa dookuulaalu bee ye. A ye a la mindaŋ sambalaa ñiŋ fintindi, aniŋ mbuuru janilaa kuntiyo ñiŋ, ka bo a la dookuulaalu kono.

Jabuuroolu 3:4

Ŋa n kaŋo sikandi le ka woosii Yaawe ye, aduŋ a ye n jaabi le ka bo a la konko senuŋo* to. S

Jabuuroolu 57:8

M be m faŋ kuniŋ na le, ŋa n na kontiŋo niŋ kooraa sika ka bo laariŋ. M be fanoo la kewo kontoŋ na niŋ suukuwo le la.

Jabuuroolu 119:108

Yaawe, n na tenturoo niŋ duwaa muta, i ye n karandi i la luwaalu la.