Jabuuroolu 25:6 - Mandinka Bible

⁶ Hee Yaawe, kana ñina i la konotodiyaa niŋ i la kanu bambaloo la, i ka meŋ yitandi biriŋ koomanto.

Jabuuroolu 25:6 ပူးပေါင်းရင်းမြစ်များ

Kolosankoolu 3:12

Wo to, alitolu mennu mu Alla la tomboŋ moo senuŋolu niŋ kanuntewolu ti, ali ali la daajika kutoo duŋ, meŋ mu balafaa ti, mooyaa, fammajiyo, sooneeyaa aniŋ muñoo.

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Luka 1:78

Wo to Alla be balafaa yitandi la ǹ na le, maloo be naa ǹ kaŋ ne ka bo santo.

2 Korintinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa, meŋ mu Balafaa Faamaa ti, aniŋ sabarindiroo bee Alla.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yesaya 63:15

Yaawe, juubeeroo ke ka bo naŋ santo, i ye jeroo ke, ka bo i sabatidulaa senuŋo niŋ i la dulaa kallankeeyaariŋo* to. I la hame kuwo niŋ i semboo lee? I ye konotodiyaa niŋ balafaa meŋ soto ǹ ye, i ye ì jamfandi ǹ na le.

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

1 Yohana 3:17

Moo meŋ ye a la suulafeŋolu soto ñiŋ duniyaa kono, aduŋ a ye a baadiŋo je suuloo kono, bari a maŋ balafaa soto a ye, Alla la kanoo be sabati la wo maarii kono ñaadii le?

Filipinkoolu 1:8

Alla le mu n seedoo ti ko, ali la kuwo ye m meeyaa le ka bo niŋ Kiristu Yeesu la kanoo la.

Luka 1:54

A ye a la dookuulaa Banisirayila maakoyi le, a ye balafaa yitandi a la moolu la.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Yesaya 55:7

Moo jawoo ye a la jawuyaa siloo bula, moo kuruŋo ye a la kuruŋyaa miiroo tu jee. Ì ye muruŋ Yaawe kaŋ, a be balafaa soto la ì ye le. Ì ye naa ǹ na Alla kaŋ, kaatu a be yamfa la ì ye le burayi.

Jabuuroolu 119:77

Balafaa soto n ye, fo n si baluu, kaatu i la karandiroo ka n seewondi le.

Jabuuroolu 107:1

Ali Yaawe* tentu kaatu a beteyaata le, a la kanu bambaloo be tu la le fo abadaa.

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

Jabuuroolu 106:1

Ali Yaawe* jayi. Ali Yaawe tentu, kaatu a beteyaata le, a la kanu bambaloo be tu la le fo abadaa.

Jabuuroolu 103:4

A ye n tanka kaburoo ma, aduŋ a ka tu kanu bambaloo niŋ balafaa le yitandi n na.

Jabuuroolu 69:16

Hee Yaawe, n jaabi i la kanu bambaloo niŋ i la beteyaa kaŋ. Ka bo niŋ i la balafaa baa la, muru n kaŋ.

Jabuuroolu 69:13

Hee Yaawe, nte de, n na duwaa be looriŋ ite le kaŋ. Hee Alla, n na duwaa jaabi waatoo la, i faŋo ye meŋ londi. N jaabi i la kanu bambaloo la waroo la. N jaabi niŋ i la tankandiri koyoo la.

Jabuuroolu 40:11

Yaawe, kana balaŋ ka i la balafaa yitandi n na. I la tiliŋo niŋ kanu bambaloo ye tara m fee, ka n tanka fo abadaa.

Nehemiya 9:19

“Ite balafaa warata le, i maŋ i koo dii ì la keñewuloo* kono. Tawali samasimmaa le tuta tambi la ì ñaato tiloo la, dimbaa samasimmaa ye ì dandaŋ suutoo la, ka maloo dii ì la ì taaraŋ siloo kaŋ.

2 Taarika 6:42

Yaawe Alla, kana i bo i la mansa tombondiŋo to. I miira i la kanu bambaloo la, i ye meŋ soto Dawuda ye, i la dookuulaa.”

2 Musa 34:6

Yaawe tambita Musa ñaato, a ye a kankulaa ko, “Nte Yaawe, meŋ ye balafaa soto, m mu Alla le ti, meŋ hiinanteeyaata. M buka kamfaa juuna, n na kanu bambaloo niŋ n na tooñaa maŋ dandulaa soto.

2 Musa 15:13

“I la kanu bambaloo kaŋ, i ye i la moolu mennu tanka, i be i ñaatonkayaa la le. I la semboo kaŋ, i be ì kenkeŋ na le fo i la dinkiraa senuŋo to.

1 Musa 32:9

Bituŋ a duwaata ko, “Yaawe*, m mama Iburayima la Alla, aniŋ m faamaa Isiyaaka la Alla, ite le ko, ŋa taa ka muru n wuluu bankoo kaŋ, aniŋ m baadiŋolu kaŋ, i be kuwolu bee sooneeyandi la n ye le.

1 Musa 24:27

A ko, “Tentoo be Yaawe ye, m maarii Iburayima la Alla, meŋ maŋ i dahaa a la kanu bambaloo aniŋ tiliŋo yitandi la m maarii la. Yaawe le ye n kenkeŋ ka taa m maarii Iburayima baadiŋolu la buŋo to.”

Filipinkoolu 2:1

Fo ali maŋ wakiilindiroo soto Kiristu* kono, aniŋ sabarindiroo ka bo niŋ a la kanoo la? Fo ali maŋ kafuñooyaa soto ka bo niŋ Noora Kuliŋo la? Fo ali maŋ mooyaa niŋ balafaa soto ñoo ye?

Nehemiya 13:22

Bituŋ ŋa kaŋo dii Lewi lasiloo la ka ì faŋolu seneyandi, ka taa saatee dundaŋ daalu kanta, ñiŋ kamma la Loobula Luŋo si kuliyaa. N na Alla, ì hakiloo si bula n ye ñiŋ fanaa la, aduŋ i si balafaa soto n ye ka bo niŋ i la kanu bambaloo la.

Daniyeli 9:18

M Maarii Alla, dukaree i lamoyi ǹ na. Kasaara kuwo juubee, meŋ laata ǹ kaŋ, aniŋ i la saatewo, i too be meŋ kunna. A maŋ ke ko, ntolu tilinta le, wo le ye a tinna n duwaata ka i daani, bari i ye balafaa baa meŋ soto, wo le ye a tinna.

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.