Jabuuroolu 25:4 - Mandinka Bible

⁴ Yaawe, i la siloolu yitandi n na, i ye n karandi n taañaa la.

Jabuuroolu 25:4 ပူးပေါင်းရင်းမြစ်များ

1 Mansoolu 8:36

Bituŋ i si i lamoyi ka bo Arijana kono, aduŋ i si yamfa i la dookuulaalu la junuboo la, i la moolu Banisirayilankoolu. I si ì karandi ka taama kuu kendoo la, aduŋ i si sanjoo jindi naŋ bankoo kaŋ i ye meŋ dii i la moolu la ka ke ì la keetaafeŋo ti.

Jabuuroolu 119:27

M maakoyi ka i la yaamaroolu taamandiñaa fahaamu, m be kali m miira la i la kaawakuwolu la le.

Jabuuroolu 143:8

Kali m moyirindi i la kanu bambaloo la fanoo la ke tumoo la, kaatu n jikoo be ite le kaŋ. Siloo yitandi n na, n ñanta taa la meŋ na, kaatu ŋa n sondomoo loo ite le kaŋ.

Jabuuroolu 27:11

Yaawe, n karandi ka taama i la siloo la, aduŋ i si n samba sila koyiriŋo la, n jawoolu la kuwo kamma la.

Jabuuroolu 5:1

Hee Yaawe*, i lamoyi n na kumoolu la, moyiri ke n na ŋuntaŋolu la.

Jabuuroolu 5:8

Yaawe, ite tilinta le, n kanda, n jawoolu la kuwo kamma la, i la siloo walaŋ n ye.

Jabuuroolu 86:11

Yaawe, n karandi ka taama i la siloo la, fo n si soŋ i ma i la tooñaa kaŋ, i ye n sondomoo ke kiliŋ ti ka i too kuliyaa.

2 Musa 33:13

Niŋ n na kuwo ye i seewoo, i la siloo yitandi n na, fo n si i loŋ kendeke, aniŋ ka i seewondi. I hakiloo si tara ñiŋ kaŋ ko, ñiŋ moolu mu i fansuŋ moolu le ti.”

Kuma Kotoomaalu 8:20

N ka taama niŋ sila tilindiŋo le la, n ka bula tooñaa siloo le nooma,

Yesaya 2:3

Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.