Jabuuroolu 25:3 - Mandinka Bible

³ Kana soŋ moolu mennu ka tara i baturiŋ, wolu ye bula maloo kono, bari moolu malundi mennu la kuruŋyaa, daliila te a la.

Jabuuroolu 25:3 ပူးပေါင်းရင်းမြစ်များ

1 Musa 49:13

Sebuluni, ite be sabati la baadaa le la, daameŋ be ke la tendaa ti kuluŋolu ye. I la bankoo naanewo be taa le fo Sidoni saatewo maafaŋo la.

1 Taarika 10:13

Sawulu la saayaa keta teŋ ne, kaatu a maŋ foroyaa, ka Yaawe a la Alla batu, aniŋ ka a la yaamaroolu muta. Aduŋ fanaa a ka yaamaroolu ñiniŋ furee kumandilaa le bulu,

Jabuuroolu 109:3

Ì ka n kuru niŋ konnanteeyaa kumoolu le la, aniŋ ka m boyinkaŋ, daliila te a la.

Jabuuroolu 119:78

Allamaa faŋ waralaalu ye bula maloo kono, kaatu ì ye faniyaa kumoolu le fo m ma ka n tiñaa. Nte de, m be kali m miira la i la yaamaroolu la le.

Jabuuroolu 123:2

Jonkewo jikoo ka tara a maarii kaŋ ñaameŋ, aniŋ jommusoo fanaa, ntolu jikoo be ite Yaawe, ǹ na Alla kaŋ wo le ñaama, fo i si balafaa ǹ ye.

Jabuuroolu 132:18

A jawoolu wo, m be maloo dendikamaa le tu la dundiŋ ì la. Bari ate la mansanaafoo be tu la malamala la a kuŋo to le.”

Jabuuroolu 22:6

Bari nte wo maŋ ke moo ti, n ka munta le ko tumboo, moolu jututa n na, aduŋ ì ye n ke jelefeŋo ti.

Jabuuroolu 27:14

I lamoyi Yaawe ma. I si bambaŋ, i ye fatiyaa, aduŋ i si i lamoyi Yaawe ma.

Jabuuroolu 31:17

Yaawe, kana soŋ ŋa malu muumeeke, kaatu n kumboota i ye le. Moo kuruŋolu duŋ maloo kono, ì ye tara deyiriŋ kaburoo kono.

Jabuuroolu 31:18

Faniyaa folaalu daa siti, mennu ka kuma jawu baalu fo moo tilindiŋolu ma, aniŋ faŋ waroo niŋ jutunnayaa.

Jabuuroolu 33:20

Ntolu ye ǹ jikoo loo Yaawe le kaŋ. Ate le mu m̀ maakoyilaa ti, aniŋ ǹ tankandilaa.

Jabuuroolu 35:26

Allamaa mennu ka jele n na kooroo la, ì bee ye bula maloo kono, ì ye piwu. Allamaa mennu ka ì faŋ wara n ti, maloo niŋ jutunnayaa ye feenee ì kaŋ.

Jabuuroolu 37:34

I lamoyi Yaawe ma, i ye taama a la siloo la, aduŋ a be horomoo dii la i la le, ka bankoo keetaa, aduŋ i ñaa be moo jawoolu wafati luŋo je la le.

Jabuuroolu 6:10

Allamaa n jawoolu bee ye malu baake, ì ye jikilateyi. Allamaa ì ye malu waati kiliŋ, ì ye muru ì koo la.

Jabuuroolu 62:1

N niyo la dahaa be Alla doroŋ ne fee, n na tankoo be bo la ate le bulu.

Jabuuroolu 62:5

N niyo si dahaa soto Alla doroŋ ne fee, kaatu n jikoo be ate le kaŋ.

Jabuuroolu 69:4

Moolu mennu ye n koŋ, daliila te a la, ì yaatewo le siyaata hani n kuntiña kesoolu ti. N jawoolu ka faniyaa le fo m ma, ì semboo warata le, aduŋ ì lafita le ka m faa. Ì ka n joorindi feŋolu le la m maŋ mennu nakari.

Jabuuroolu 69:6

Hee Yaawe* Alihawaa Maariyo*, kana soŋ nte la kuwo ye a tinna moolu mennu ye ì jikoo loo i kaŋ, ì ye bula maloo kono. Hee Banisirayila la Alla, kana soŋ n na kuwo ye moolu bulandi jutunnayaa kono, mennu ka i ñini.

Jabuuroolu 71:13

Allamaa n niyo toorandilaalu ye bula maloo kono, ì ye kasaara. Allamaa mennu ka a kata ka m mantoora, ì ye bula maloo niŋ jutunnayaa kono.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Niikuyaa Suukuwolu 3:25

Yaawe beteyaata moo le fee meŋ ye i tuuku a la, aniŋ nii-wo-nii meŋ ka a ñini.

Mika 7:7

Bari nte wo de, n ñaa be tara la looriŋ Yaawe* le kaŋ, m be ate le batu la ka n kiisa, aduŋ n na Alla be n na kumoo moyi la le.

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’

Roomankoolu 8:25

Bari niŋ ǹ jikita kuwo la, m̀ maŋ meŋ je foloo, ǹ ka baturoo ke muñoo kono le.