Jabuuroolu 24:7 - Mandinka Bible

⁷ Dundaŋ daalu ye yele, ali nunto dundaŋ daalu yele hawu, fo Mansa Kallankewo* si duŋ naŋ.

Jabuuroolu 24:7 ပူးပေါင်းရင်းမြစ်များ

Yesaya 26:2

Ali saatee dundaŋ daalu yele, bankoo moo tilindiŋolu ye duŋ mennu ye lannoo soto.

Lankenemoo 4:11

“M̀ Maarii, ite le jarita tenturoo niŋ jayiroo la. Ǹ na Alla, horomoo niŋ semboo be ite le ye. Kaatu ite le ye feŋolu bee daa, daaroo bee naata soto i la lafoo le kaŋ.”

1 Korintinkoolu 2:8

Hani kiliŋ ñiŋ duniyaa maralilaalu kono maŋ ñiŋ ñaameŋo fahaamu, kaatu niŋ ì ye a fahaamu nuŋ, ì te Maariyo pempeŋ na, kallankeeyaa mu meŋ taa ti.

Jabuuroolu 97:6

Saŋ fatoolu ka a la tiliŋo kankulaa, aduŋ duniyaa moolu bee ka a la semboo niŋ waroo je.

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

Hakayi 2:7

Yaawe Alihawaa Maariyo le ye ñiŋ fo ko, “M be duniyaa bankoolu bee le maamandi la, fo ì la naafuloo bee si naa jaŋ, aduŋ m be ñiŋ buŋo konoo bee le kallankeeyandi la ì la naafuloo la.”

1 Mansoolu 8:11

A ye a tinna piriisoolu maŋ ì la baturoo ke noo tawaloo ñiŋ kamma la, kaatu Yaawe la kallankeeyaa* le ye Batudulaa Buŋo fandi.

1 Pita 3:22

Ate Yeesu taata Arijana kono le, aduŋ a be Alla bulubaa karoo le la. Malaayikoolu, kantiyolu niŋ sembetiyolu bee be a la maraloo le koto.

2 Samuweli 6:17

Ì ye Yaawe la Kambeŋ Kunewo samba naŋ, ì ye a londi tiriliisoo* koto, Dawuda ye meŋ loo a ye. Bituŋ a ye jani sadaalu niŋ kayira sabatindiraŋ sadaalu bondi Yaawe ñaatiliŋo la.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.

Maaka 16:19

Kabiriŋ Maarii Yeesu ye wo diyaamoo ke ì ye fokabaŋ, a selendita Arijana kono, a siita Alla bulubaa karoo la.

Hakayi 2:9

Yaawe Alihawaa Maariyo le ye ñiŋ fo ko, “Ñiŋ buŋo la kallankeeyaa labaŋo le be wara la ka tambi folooto taa la.” Yaawe Alihawaa Maariyo le ye ñiŋ fo ko, “M be kayiroo dii la ñiŋ dulaa le to.”

Jabuuroolu 132:8

Yaawe, wuli, i ye duŋ i la sabatidulaa to, i niŋ i la Kambeŋ Kunewo, meŋ mu i la semboo misaaloo ti.

Yankuba 2:1

M baadiŋolu*, baawo ali laata m̀ Maarii Yeesu Kiristu* la, kallankeeyaa* mu meŋ taa ti, wo to ali kana moo-wo-moo faasaa.

1 Mansoolu 8:6

Wo to le piriisoolu ye Yaawe la Kambeŋ Kunewo samba naŋ a loodulaa to konoto buŋo to, daameŋ mu Dulaa Senuŋ Baa* ti, Alla Batudulaa Buŋo* kono, ì ye a londi kerubu malaayikoolu* dampaŋolu koto.

Jabuuroolu 21:1

Hee Yaawe*, mansa jusulaata le, kaatu i ye a bambandi le, a seewoota baake le i la maakoyiroo kaŋ, ka a jawoolu noo.

Jabuuroolu 21:5

A ye horoma baa soto le ka bo niŋ i la maakoyiroo la ka a jawoolu noo. I ye horomoo niŋ mansayaa semboo dii a la le.

Yesaya 62:10

Yerusalaamunkoolu, ali finti, ali finti niŋ dundaŋ daalu la! Ali siloo parendi moolu ye. Ali sila kendoo dadaa, ali a dadaa kuu! Ali a beroolu bondi. Ali ye bandeeroo wulindi, ka a ke bankoolu ye taamanseeroo ti.

Mika 4:8

“Ite Siyoni Konkoo, ite meŋ keta n na moolu ye tankadulaa ti, i be semboo soto la le kotenke, i ye mansayaa soto, ko a tarata i bulu ñaameŋ, ite Dimmusuriŋ* Yerusalaamu.