Jabuuroolu 24:1 - Mandinka Bible

¹ Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Jabuuroolu 24:1 ပူးပေါင်းရင်းမြစ်များ

Jabuuroolu 89:11

Saŋ fatoolu mu i taa le ti, aniŋ bankoo fanaa. Ite le ye duniyaa daa, aniŋ feŋolu mennu bee be a kono.

1 Korintinkoolu 10:26

Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

Yuuba 41:11

Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

5 Musa 10:14

Ali la Alla le taa mu duniyaa niŋ a konokono feŋolu bee ti, fo ka taa saŋ fatoolu to.

2 Musa 9:29

Musa ye a jaabi ko, “Niŋ m fintita saatewo kono, m be m buloolu wulindi la le, ŋa Yaawe daani. Sankumoo be i foño la le, aduŋ sambere te boyi la kotenke. Bituŋ i si a loŋ ko, duniyaa mu Yaawe le taa ti.

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

Nahumu 1:5

Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

Daniyeli 4:25

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, aduŋ komboo be jii la i kaŋ ne, ka i sinandi, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.

Jabuuroolu 98:7

Fankaasoo ye bumbuŋ, aniŋ a kono feŋolu bee. Bankoo bee ye suukuwo laa, aniŋ feŋ-wo-feŋ be baluuriŋ a kaŋ.

1 Taarika 29:16

“Hee Yaawe ǹ na Alla, ŋà ñiŋ soorifeŋolu bee samba naŋ ne, ka Batudulaa loo, ka i too senuŋ baa horoma. Ñiŋ bee bota ite le bulu, aduŋ ite le taa mu a bee ti.

2 Taarika 25:9

Amasiya ko Alla la moo ye ko, “Saayiŋ duŋ, ŋa kodiforo kuntu kemoo meŋ dii Banisirayila kelediŋolu la, m be wo la kuwo laa la ñaadii le?” Alla la moo ye a jaabi ko, “Yaawe si feŋ dii noo i la, meŋ tambita wo la.”

Yuuba 34:13

Jumaa le ye a marandi duniyaa la, aniŋ jumaa le ye duniyaa muumewo bee duŋ a bulu?

Yuuba 41:3

Fo a si yamfoo ñini i bulu baŋ? Fo a si kuma diimaalu fo i ye baŋ?

Jabuuroolu 50:10

Sutukono daafeŋolu bee mu nte le taa ti, ka taa konko wuliwuloolu kaŋ beeyaŋolu.

Jabuuroolu 89:12

Ite le ye feŋo bee daa ka bo duniyaa tonkoŋ ka taa tonkoŋ. Jayiroo ka bo i ye Tabori niŋ Herimoni* konkoolu to le, a bee niŋ seewoo.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”