Jabuuroolu 23:6 - Mandinka Bible

⁶ I la beteyaa niŋ kanu bambaloo le be n nooma la, m baluu tiloolu bee la. Aduŋ m be sabati la Yaawe la Buŋo kono le fo n siyo daŋo.

Jabuuroolu 23:6 ပူးပေါင်းရင်းမြစ်များ

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Jabuuroolu 17:15

Bari nte de, m be tara la i fee le, n na sootaaribaliyaa kaŋ. Niŋ n wulita, m be wasa la i ñaatiliŋo la le.

Jabuuroolu 21:4

A ye i daani le fo a si mee, i ye a dii a la, meŋ keta siimaayaa baa ti.

Jabuuroolu 27:4

Kuu kiliŋ ŋa Yaawe daani wo le la, aduŋ m be wo le ñiniŋ kaŋ, ka tara sabatiriŋ a batudulaa buŋo kono m baluu tiloolu bee la, ka a la kallankeeyaa* fele, aniŋ ka bankeeroo ñiniŋ a batudulaa.

2 Korintinkoolu 1:10

Ate le ye ǹ kanandi saayaa maasiiboo ma, aduŋ a be tenteŋ na le ka ǹ kanandi. Ŋà ǹ jikoo bee loo ate le kaŋ, aduŋ a be ntolu tankandi la le kotenke.

2 Korintinkoolu 5:1

Ŋà a loŋ ne ko, ñiŋ duniyaa tiriliisoo*, m̀ be baluuriŋ meŋ kono teŋ saayiŋ, meŋ mu m̀ balajaatoo ti be toli la le, bari buŋo be pareeriŋ ǹ ye le Alla yaa. Wo buŋo maŋ dadaa hadamadiŋ buloo la, bari wo mu feŋ ne ti, meŋ be tu la Arijana kono fo abadaa.

Filipinkoolu 1:23

Kuu fula le be n hakiloo kono, ì ye n dewuŋ baake: Kara doo la, n hameta le ka ñiŋ duniyaa bula fo n si tara Kiristu fee, meŋ beteyaata baake nte ye.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.